रौतहटका किसानले प्रमुख जिल्ला अधिकारीमार्फत बुझायो सरकारलाई ज्ञापन पत्र

उपेन्द्र गोले
रौतहट २७ भदौ । रौतहटका प्रमुख जिल्ला अधिकारीमार्फत किसान संघर्ष समितिले नेपाल सरकारलाई ज्ञापन पत्र बुझाएका छन । रौतहटका प्रमुख जिल्ला अधिकारी इन्द्रदेव यादवलाई आइतबार किसानहरुले ज्ञापन पत्र बुझाउदै माग तुरुन्त सम्बोधन गर्न आग्रह गरेका छन । किसानहरुले घोषणा गरेको आन्दोलनका कार्यक्रम अनुसार नै आइतबार कुन्दन कुस्वाहाको नेतृत्वमा सयौका संख्यामा आन्दोलनरत किसानहरुको सहभागीता रहेको थियो । किसानहरुले ज्ञापन पत्र मार्फत युरिया मल तुरुन्त उपलब्ध गराउ,किसानलाई पेन्सनको ब्यवस्था गÞर,कृषि बिमा लागु गर, पर्याप्त कृषि ऋण उपलब्ध गराउ र टेक्टरमा लाग्ने सम्पूर्ण कर खारेज गÞर भन्ने जस्ता मागहरु राखेका छन । समयमा नै आफ्ना मागहरु सरकारले सम्बोधन नगरे भाद्र ३० गते स्थानीय तहको सहकारी डिपो घेराउ र असोज १ गते साल्टट्रेडिंग र कृषि सामग्रीको कार्यालयको घेराउ कार्यक्रमलाई अझ सशक्त पार्ने समेत संघर्ष समिति जनाएको छ ।