रौतहट २८ भदौ
चन्द्रपुर नगरपालिकाको वडा नम्बर २ हिलोखोलामा सोमबार भुमि अधिकार मञ्च रौतहटको गाउ कमिटि भेला सम्पन्न भएको छ । रौतहटको चन्द्रपुर नगरपालिकाको वडा नम्बर २ भुमि अधिकार मञ्च हिलोखोला गाउ कमिटिका अध्यष हिरा बहादुर वाइबाको सभापतित्वमा भेला सम्पन्न भएको कोषाध्यक्ष भावना विकले जानकारी दिनु भयो ।
पछिल्लो समय राज्यले सुकुम्बासीहरुको समस्याप्रति चासो नराखेकाले संघर्ष गर्नुको विकल्प नभएको भुमि अधिकार मञ्च रौतहटका अध्यक्ष चन्द्र बहादुर थिङले बताउनु भयो ।
तत्कालिन केपी ओलीको सरकारले भुमि आयोग गठन गरि भुमिहिन सुकुम्बासीहरुको तथ्याङक संकलन गरि भुमि उपलब्ध गराउने कार्यहरु अगाडी बढाएकोमा बर्तमान सरकारले सो आयोग नै खारेज गर्नु तानासाही , गरिब किसानहरुको मर्ममाथी कुण्ठा प्रहार गरेको थिङको आरोप रहेको छ । तत्काल पुन सो आयोग पुनस्थापना गरि सुकुम्बासी समस्यातर्फ सरकार अग्रसर हुनु पर्ने उनीहरुको माग रहेको छ ।
कार्यक्रममा भुमि अधिकार मञ्च सर्लाहीका संयोजक भवानी घिमिरे , भुमि अधिकार मञ्च रौतहटका सदस्य विनोद माझी , बुद्ध लामा लगायत स्थानियको बाक्लो सहभागीता रहेको थियो ।
