बचेलाल बैठा
रौतहट २९ भदौ ।
रौतहटको चन्द्रपुर नगरपालिकामा एक पत्रकारले सुचना उपलब्ध गराउन निवेदन दिनु भएको छ । न्युज २४ को रौतहटका प्रतिनिधि पत्रकार बालविक्रम कार्कीले बुदागत रुपमा ४ ओटा सुचना उपलब्ध गराउन माग गर्नु भएको छ ।
विगतका बर्षहरुमा जडान गरिएका सोलार बत्तिको संख्या र सो बत्ति जडान गर्न लागेको लागत एवम मर्मत खर्चको प्रमाणित विवरण उपलब्ध गराउन कार्कीको पहिलो माग रहेको छ । त्यसैगरि गत आर्थिक बर्षमा चन्द्रपुर नगरपालिकामा रहेका विभिन्न पर्यटकिय एवम धार्मिक स्थलहरु ठेक्का कबोल रकम र सो वापत उठेको रकमको प्रमाणित विवरणका साथै ति ठेक्काहरु बिचमै रद्ध भएको भए सोको विवरण र रद्ध गर्ने निर्णयका कागजातहरुको प्रमाणित विवरणको समेत माग गरिएको छ ।
चन्द्रपुर नगरपालिकाले नगर क्षेत्रभित्र विभिन्न स्थानमा सिसिटिभिी जडान गर्न लागेको खर्च र सो सिसिटभिी जडान गर्ने ठेकेदार कम्पनिले बुझाएका सामानको स्पेसिमेन्ट विवरण र गत बर्ष नगरपालिकाले कम्प्युटर हार्डवेयर , सफ्टवेयर ,प्रिन्टर लगायत ईलोक्ट्रोनिक सामानहरु खरिद तथा मर्मत गरेको खर्चका साथै विक्रिवितरण तथा मर्मत गर्ने संस्थाको नाम ठेगानासहितको विवरण समेत पत्रकार कार्कीले चन्द्रपुर नगरपालिकासँग माग गर्नु भएको छ ।
नेपालको विधानको धारा २७ मा प्रत्याभुत गरेको सुचनाको हक एवम सुचनाको हक सम्बन्धि ऐन २०६४ को दफा ३ अनुसार आफुले चन्द्रपुर नगरपालिकासँग सुचनाको माग गरेको पत्रकार कार्कीले बताउनु भयो ।
पत्रकार कार्कीले माग गर्नु भएको सुचनाहरु सुचना अधिकृतलाई उपलब्ध गराउन निर्देशन दिइसकेकाले सबै विवरण उपलब्ध गराउने चन्द्रपुर नगरपालिको प्रतिक्रिया दिएको छ ।
