उपेन्द्र गोले
रौतहट १२ असोज । चन्द्रपुर नगरपालिकाको वडा नम्बर ३ गैडाटारमा नेकपा एमाले प्रणामी टोलको भेला मंगलबार सम्पन्न भएको छ । नेकपा एमाले वडा नम्बर ३ को वडा अधिबेसन आयोजक तयारी समितिको आयोजनामा सोही वडाको गैडाटारको प्रणामी टोल भेला मंगलबार सम्पन्न भएको आयोजक समितिका अध्यक्ष भुनेश्वर गुरोले जानकारी दिनु भयो । चन्द्रपुर नगरपालिकाको वडा नम्बर ३ गैडाटारका सम्पुर्ण टोल भेला सम्पन्न गरि नेकपा एमाले टोल कमिटि गठन गर्ने र आगामी कात्र्तिक ६ गते नगर भरिका सबै वडाहरुमा एकै दिन वडा अधिबेसन सम्पन्न गर्ने गुरोले बताउनु भयो । मंगलबार बसेको प्रणामी टोल भेलाले भानुभक्त मुक्तिनाथ दाहालको अध्यक्षतामा ७ सदस्यीय टोल कमिटी चयन गरिएको जनाइएको छ । कार्यक्रममा नेकपा एमालेका निर्वाचित जनप्रतिनिधि सरस्वती खुलाल , जिस्मिता विक , एमाले नेता लाल बहादुर दोङ , उत्तर बहादुर थापा , त्रिर्ण प्रसाद दुलाल लगायतका नेकपा एमालेप्रति आस्था राख्नु हुने स्थानियको सहभागीता रहेको थियो ।
नेकपा एमाले चन्द्रपुर—३ गैडाटार प्रणामी टोल कमिटि गठन
