रौतहट १२ असोज । रौतहटको चन्द्रपुरका चोरी मुद्धाका २ जना फरार प्रतिवादी गौर कारागार चलान भएका छन । जिल्ला अदालत रौतहट गौरले २०७३ साल असार २८ गते चन्द्रपुर नगरपालिकाको वडा नम्बर ५ का २८ बर्षिय करण चौधरी र सोही स्थानका २३ बर्षिय अर्जुन चौधरीलाई जनही १ महिना कैद र पचासी हजार जरिवाना फैसला गरेको थियो ।
दुबै प्रतिवादी फरार भएका थिए । फरार दुवै प्रतिवादीलाई गत २०७८ असोज ७ गते साझ पक्राउ गरेको इलाका प्रहरी कार्यालय चन्द्रनिगाहपुरले जनाएको छ । इलाका प्रहरी कार्यालय चन्द्रनिगाहपुरका प्रहरीको टोलीले चन्द्रपुर नगरपालिकाको वडा नम्बर ४ मेन चोकबाट करण चौधरी र अर्जुन चौधरीलाई पक्राउ गरी असोज ८ गते जिल्ला अदालत गौरमा पेश गरेकोमा असोज १२ गते मंगलबार अदालतको आदेश अनुसार पक्राउ परेका फरार प्रतिवादी दुवै चौधरीलाई रौतहट जिल्ला कारागार चलान गरिएको इलाका प्रहरी कार्यालय चन्द्रनिगाहपुरले जनाएको छ ।
