असोज १४,रौतहट
रौतहटको सिमा नाकाबाट भन्सार छलिका अबैध विभिन्न सामग्रीहरु प्रहरीले भन्सार कार्यालय गौरमा बुझाएका छन ।
जिल्ला प्रहरी कार्यालय गौर मातहतका प्रहरी ईकाईहरुबाट खटिएको प्रहरी गस्ती टोलीले भारतबाट अबैध रुपमा भन्सार छली चोरी गरी नेपाल तर्फ भित्र्याई ल्याएका चिनी, कपडाहरु, कष्टमेटिक लगायतका मालबस्तुहरुको अन्दाजी मुल्य १ लाख ४४ हजार ८ सय २८ बराबरको र नेपालबाट भारत तर्फ लैजानको लागि लुकाई छिपाई राखेको सौफी रक्सीको अन्दाजी ३३ हजार ८ सय गरी जम्मा अन्दाजी मूल्य १ लाख ७८ हजार ६ सय २८ बराबरको सौफी रक्सी, कपडा, कष्टमेटिक लगायतका सर–सामानहरु वेवारीसे अवस्थामा फेला पारी बरामद गरी थप आवश्यक कारवाहीको विहिबार गौर भन्सार कार्यालयमा बुझाईएको जिल्ला प्रहरी कार्यालय रौतहटका एसपि बिनोद घिमिरेले जनाएको छ ।
रौतहट प्रहरीले चोरी निकासी पैठारी गरेको क्रियाकलापमा सँम्लगन रहेका ब्यक्तीलाई नियन्त्रणमा लिन सक्रिय रहेको एसपि घिमिरे दावी गरेका छन ।
