कार्तिक ०५ गते
राैतहट प्रहरीले भारतीय रुपैयाँ सहित १ जनालाई पक्राउ गरेको छ । पक्राउ पर्नेमा भारत बिहार राज्य शिवहर जिल्ला ग्राम पंचायत वेलवाघाट वडा नं. ५ वस्ने विश्वनाथ साह कानुको छोरा अं.वर्ष २२ को सुशिल कुमार साह रहेका छन् । आज शुक्रबार मिति २०७८ कार्तिक ०४ गते १ वजेको समयमा सिमा प्रहरी चौकी बन्जरहावाट खटिएको प्ररही गस्ती टोलीले पक्राउ गरेकाे हाे ।
जिल्लाकाे रौतहट ईशनाथ नगरपालिका वडा नं.१ बन्जरहा स्थित बकैया खोलाको बाँधमा चेकजाँच गर्ने क्रममा भारतबाट नेपाल तर्फ आउदै गरेको साह लाई पक्राउ गरेकाे हाे । चेकजाँच गर्दा साहले बोकेको झोलाबाट एक लाख असी हजार मात्र भारतीय रुपैयाँ फेला परेकोले बरामद भएको रुपैयाँ सहित शुक्रबार थप अनुसन्धानको लागि राजश्व अनुसन्धान कार्यालय पथलैयामा पठाईएको जिल्ला प्रहरी कार्यालय राैतहटले जनाएको हाे ।
राैतहट प्रहरीले भारतीय रुपैयाँ सहित १ जनालाई गर्याे पक्राउ
