स्मिथ रजक,इशनाथ,कार्तिक १९ गते
रौतहट जिल्लाको दक्षिणी भेग इशनाथमा सुर्य नारायण भगवानको मन्दिरको उद्घाटन गरिएको छ । शुक्रवार एक कार्यक्रमका बिच नगरप्रमुख संतोष कुमार मेहताले उद्घाटन गर्नु भएको छ ।
आफूले गरेको चूनावी प्रतिबद्धता अनुसार नै सो मन्दिरको भवनको निर्माण कार्य सम्पन्न गरि उदघाटन गरेको बताउनु भएको छ ।
उदघाटन कार्यक्रम इशनाथ नगरपालिका वडा नम्बर ३ को वडा अध्यक्ष राम कैलाश राउतको अध्यक्षतामा भएको थियो ।
जिल्लाकै एउटा पुरानो र प्रसिद्ध औरैया गाउँमा रहेको पोखरीमा सुर्य नारायण मन्दिरको निर्माण पश्चात उदघाटन भएको हो ।
कार्यक्रमलाइ सम्बोधन गर्दै मेयर मेहताले इशनाथमा बाटोघाटो , नाला, मठ मन्दिर ,मस्जिद,सडक, शिक्षा , स्वास्थ्य , कृषि क्षेत्र लाइ बढी प्राथमिकता दिएको बताएका छन् ।
उद्घाटन कार्यक्रममा मेहताले बितेको शुभ दिपावली तथा छठ पर्वको अवसरमा नगरवासी , देशवासी, आमाबुवा, दाजुभाई तथा दिदीबहिनीहरुमा सुख शान्ति समृद्धीको हार्दिक मंगलमय शुभकामना व्यक्त गरेका थिए ।
सुर्य मन्दिर उदघाटनको अवसरमा इशनाथ नगरपालिकाका उप प्रमुख हुस्नेयरा खातुन ,वडा अध्यक्ष बिगु साह, राम लक्ष्मण साह, इद महम्मद, शेख नेसार , रामेश्वर साह, राम बाबू यादव , नेकपाको एमालेका नगर अध्यक्ष मोहन मेहता,पत्रकार, जनप्रतिनिधि , समाजसेवी स्थानिय भद्र भलादमी बुद्धिजिवीहरुको उपस्तिथि रहेको थियो ।
