राैतहट,कार्तिक २१ गते
नेपाल कम्युनिस्ट पार्टी एमालेका प्रभावशाली नेता प्रभु साहकाे शुभकामना आदानप्रदान कार्यक्रम तेस्रो दिन पनि जारी रहेको छ ।
आईतवार तेश्रो दिन रौतहट जिल्लाकाे तीन ठाउँमा शुभकामना आदानप्रदान कार्यक्रम आयाेजन गरिएको थियाे । मौलापुर नगरपालिकाको सोनरनिया र पतौरा तथा बैद्धिमाई नगरपालिकाको सरमुजवामा साे कार्यक्रम आयाेजन गरिएको थियो । हिन्दुहरूकाे महान पर्व दिपावली तथा छठको विशेष अवसरमा भेटघाट एवं शुभकामना आदानप्रदान कार्यक्रम आयाेजन गरिएको थियाे । तिनै ठाउँमा भव्यताका साथ सु-सम्पन्न भएको छ ।
कार्यक्रम लाई सम्बाेधन गर्दै नेकपा एमालेका नेता प्रभु साहले मधेस बेचुवा र कम्युनिस्ट गद्दारहरुको विरुद्ध लड़न
आमजन समुदायलाई आग्रह गर्नु भएको थियाे ।
देशको समृद्धिको लड़ाईमा रौतहट र प्रदेश-२ लाई प्रथम बनाउन प्रतिबद्धता समेत कार्यक्रम बाटै गरेका थिए ।
साे अवसरमा बाैधिमाई नगरपालिकाका मेयर पदका प्रत्यासी त्रिभुवन साह उर्फ अमरजि,नेकपा एमालेका नेता किरण साह,केन्द्रीय सदस्य कुन्दन कुशवाहा,वडाध्यक्ष श्रीभगवान पटेल,मुक्तिनारायण मिश्र सहित सयौं नेता कार्यकर्ताहरूकाे उपस्थिति रहेकाे थियाे ।
