नेकपा एकिकृत समाजवादी पार्टीको रौतहट क्षेत्र नम्बर ४(क) र (ख)को प्रदेश सभा कमिटी चयन भएको छ।
नेकपा एकीकृत समाजवादी पार्टीको रौतहट जिल्ला सदस्य बाबुराम दहालको अध्यक्षतामा बसेको भेलाले रौतहट क्षेत्र नम्बर ४ को प्रदेश सभा (क)को संयोजकमा माधव गौतम रहेका छन भने।क्षेत्र नम्बर ४ को प्रदेश सभा (ख) को संयोजकमा दिपेन्द्र साह भन्ने दिपु साहलाई सर्व सहमतिले चयन गरिएको छ।
त्यसैगरी प्रदेश सभा(क) को उप-संयोजक मा रामेश्वर राय र सचिवमा प्रभाष थापा रहेका छन भने प्रदेश सभा (ख)को
उप-संयोजकमा सलामोदिन दर्जी र सचिवमा शेख मोहसर आलमलाई सर्वसहमतिले चयन गरिएको छ।
भेलामा कार्यक्रमको प्रमुख अथितिको रुपमा नेकपा एकीकृत समाजवादी पार्टीको केन्द्रीय कमिटी र पोलिटव्युरो सदस्य तथा जिल्ला इन्चार्ज सर्ला यादव रहेकि थिइन् भने विशिष्ट अथितिको रुपमा जिल्ला सचिव लक्ष्मण रेग्मी र अथितिको रुपमा जिल्ला स.सचिव शेख कलिमुल्लाह,जिल्ला सदस्य तथा वृन्दावन नगरपालिकाका नगर प्रमुख पद प्रत्यासी बिनोद पटेल र युवा नेता पप्पु साहको समेत सहभागीता रहेको थियो।
कार्यक्रममा बोल्दै नेकपा एकीकृत समाजवादी पार्टीको केन्द्रीय कमिटी र पोलिटव्युरो सदस्य तथा जिल्ला इन्चार्ज सर्ला यादवले अबको चुनाव पछि नेकपा एकीकृत समाजवादी पार्टी देशको नम्बर वान पार्टी बन्ने दाबी गर्दै,आउन लागेको चुनावमा सबैजना एकजुट भई अगाडि बढ्न आग्रह समेत गरेकि थिइन्।
