ओम प्रकाश यादव
मंसिर ३ गते, रौतहट ।
जनता समाजवादी पार्टी नेपालका प्रदेश कमिटि सदस्य श्याम विहारी यादवले शिक्षामा राजनिति नगर्न जनप्रतिनिधिहरुलाई चेतावनी दिएका छन ।
शिक्षा क्षेत्रमा देखिएको विकृति हटाउन जनप्रतिनिधिले कडा कदम चाल्नुपर्ने नेता यादवले बताएका छन ।
जनप्रतिनिधिको लापरवाहीका कारण रौतहटको शिक्षाको स्तर दिन प्रतिदिन खस्किदै गएको नेता यादवले बताए ।
बालबालिकाको भविश्यसँग जोडिएको शिक्षा जस्तो अति महत्वपुर्ण एवं संवेदनशील क्षेत्रको सुधार गर्ने तर्फ जनप्रतिनिधिको ध्यान नजानु दुखद भएको उनले बताए ।
रौतहटको माधवनारायण नगरपालिका ६ माध्यमिक विद्यालय माधोपुरमा आज आयोजित अटोडिरियम हलको उद्घाटन कार्यक्रममा बोल्दै जसपाका युवा नेता श्याम विहारी यादवले अहिले विद्यालय व्यवस्थापन समितिका अध्यक्ष र प्रधानाध्यापकहरुले सामुदायीक विद्यालयहरुलाई आफना निजी सम्पति जस्तो कब्जा गरी राजनिति गर्न थालेको बताए ।
शिक्षामा राजनिति गर्ने चलखेल भइरहेकोले बालबालिकाको शिक्षाको अवस्था दिन प्रतिदिन कमजोर हुँदै गएकोले शिक्षामा राजनिति नगर्न उनले जनप्रतिनिधिलाई सचेत गराएका छन ।
समितिका अध्यक्ष र प्रधानाध्यापकहरुले आफुखुसी शिक्षक भर्ना गर्ने, आफनै आफन्तहरुलाई शिक्षक बनाएर ल्याउने जस्ता काममा लागेका कारण विद्यालयहरुमा पढाइको अवस्था कमजोर बन्दै गएको नेता यादवले बताए ।
समितिका अध्यक्ष र प्रअको चिनजान वा आफन्त शिक्षक भएपछि उनिहरु राम्रो सँग नपढाउने, नियमित विद्यालयमा नआउने जस्ता क्रियाकलापमा लागेका कारण विद्यार्थीको पढाई प्रभावित हुने गरेको उनले बताए ।
अध्यक्ष र प्रअहरुले विद्यालयलाई राजनिति गर्ने अडा बनाएको र कमाउखाने भाँडो समेत बनाएका कारण बालबालिकाको भविश्य अन्धकारमा पर्दै गएको उनले बताए ।
व्यवस्थापन समितिका अध्यक्ष र प्रअले विद्यार्थीको भविश्यसँग खोलवाड गर्दा पनि कार्यवाही गर्ने निकाय पालिकाका जनप्रतिनिधिहरु कुनै चासो नलिने गरेको उनी बताउँछन ।
शिक्षा क्षेत्रमा देखिएका यस्ता विकृति रोक्न र शिक्षा क्षेत्रको चौतर्फि सुधार गर्न निर्वाचित जनप्रतिनिधिले कडा कदम चाल्नुपर्ने आवश्यक्ता रहेको उनले बताए ।
शिक्षाको अवस्था सुधार गर्न ४० देखी ५० जना विद्यार्थीमा कम्तिमा पनि एकजना शिक्षकको व्यवस्था गर्न नेता यादवले जनप्रतिनिधिलाई ध्यानाकर्षण गराएका छन ।
विद्यार्थी अनुसार शिक्षकको दरबन्दी नहुँदा विद्यार्थीको पढाई प्रभावित हुने गरेकोले विद्यार्थीको संख्या अनुसार शिक्षकको दरबन्दीको व्यवस्था गर्न समेत उनले मेयर र उपमेयरलाई आग्रह गरे ।
