९ पुस, रौतहट । नेपाल प्रहरीका वरिष्ठ उपरीक्षक (एसएसपी) सुशील कुमार यादव झुन्डिएको अवस्थामा फेला परेका छन् ।
शुक्रबार बिहान आफ्नै क्वाटरमा झुन्डिएको अवस्थामा यादव भेटिएको नेपाल प्रहरीका प्रवक्ता एसएसपी बसन्त कुँवरले जानकारी दिए । आज बिहान खाजा खाने समयमा हेर्दा ढोका नखोलेको ।
एक जना इन्स्पेक्टर भेट्न आउनु भएको भन्दैँ बोलाउँन जाँदा पनि ढोका बन्द नै भएको कारण झ्यालको खापाबाट हेर्दा झुन्डिएको देखिएको एसएसपी कुँवरले बताए ।
उनी संघीय इकाइ प्रहरी कार्यालय भैरहवामा कार्यरत थिए । उनी कार्यालयको क्वाटरमा मृत फेला परेका हुन् । उनका आफन्तलाई बोलाएर ढोका खोलेर अनुसन्धान गर्ने तयारी भइरहेको प्रहरीले जनाएको छ ।
