२५ पौष, रौतहट । रौतहटको ईशनाथ नगरपालिकाको औरैयाबाट सशस्त्र प्रहरीले श्रोत नखुलेको साढे चौध लाख रकम बरामद गरेको छ ।
ईशनाथ नगरपालिका २ स्थीत नेपाल भारत सिमाक्षेत्रको मनमोहन गेटबाट नेपाल आउदै गरेको मोटरसाइकललाई चेकजाँच गर्दा श्रोत नखुलेको १४ लाख ५० हजार रुपैंया सहित एक भारतीय नागरिकलाई सशस्त्र प्रहरीले नियन्त्रणमा लिएको छ । पक्राउ पर्नेमा भारत बिहार पूर्वी चम्पारण जिल्ला तेलहराकला ७ का ३९ वर्षिय संजय कुमार जयसवाल रहेको ११ नम्बर गणका गणपति उपरिक्षक सूर्यसेन वलिले बताए ।
जयसवाल सवार बिआर ०५पिजी८०५६ नम्बरको मोटरसाइकललाई चेकजाँच गर्ने क्रममा सो रकम फेला परेको हो । सशस्त्र प्रहरीबल छिन्नमस्ता वाहिनी र ११ नम्बर गणको संयुक्त टोलीले सो रकम सहित जयसवाललाई पक्राउ गरेको उपरिक्षक वलिले बताए ।
बरामद भएको नगद सहितको व्यक्तिलाई आवश्यक कारवाहीका लागी भंसार कार्यालय पठाइएको उपरिक्षक वलिले बताए ।
