स्मिथ रजक,गाैर,माघ ०४ गते
राैतहटमा श्रोत नखुलेको नगद सहित १ जना भारतीय नागरिक पक्राउ परेका छन् । पक्राउ पर्नेमा भारत बिहार राज्य जिल्ला मोतिहारी थाना घोडासाहन बस्ने चुनु प्रसाद जयसवालको छोरा बर्ष १९ को यसराज जयसवाल रहेका छन् । साेमबार साँझ अन्दाजी ०४:५० बजेको समयमा जिल्ला रौतहट बौधीमाई नगरपालिका ७ स्थित प्रहरी चौकी बंकुलबाट खटिएको गस्ती टोलीले बि.आर.०५अन-६०८२ नंबर को मोटरसाइकल लाई चेकजाँच गर्दा उक्त रकम सहित पक्राउ परेका हुन् । जयसवालको साथबाट नेपाली श्रोत नखुलेको नगद रु.३,६८,६००/-(तिन लाख अरसठ्ठी हजार छ सय) फेला परेकाे जिल्ला प्रहरी कार्यालय राैतहटले जनाएको हाे । जयसवाललाई नियन्त्रणमा लिई उक्त नगद र मोटरसाइकल सहित थप अनुसन्धानको लागि आज मंगलबार गौर भन्सार कार्यालयमा पठाईएको प्रहरीले जनाएको हाे ।
राैतहटमा श्रोत नखुलेको नगद सहित १ जना पक्राउ
