फागुन २७ गते
वृन्दावन नगरपालिका वडा नम्बर ४ को नेकपा एमालेको वडा अधिवेशन सम्पन्न भएको छ । सो वडा अधिवेशनले विजय यादवको अध्यक्षतामा ६५ सदस्यिय वडा कमिटि गठन गरेको छ ।
कमिटको उपाध्यक्षमा राजदेव राय , सचिवमा प्रमानन्द राय , उपसचिवमा नन्दकिशोर राय र मुकेश झा रहेका नेकपा एमाले मधेस प्रदेश सदस्य वैजनाथ सहनीले जानकारी दिए । कार्यक्रममा बोल्दै प्रमुख अतिथि नेकपा एमाले मधेस प्रदेश उपसचिव आरती भण्डारीले नेकपा एमालेमा प्रवेश गर्नेको लहर देशैभर उत्साहजनक रहेको र निर्वाचित जनप्रतिनिधीहरु पनि धमाधम माओवादी लगायतका पार्टी छाडेर नेकपा एमालेमा प्रवेश गरेकाले स्थानिय तहको निर्वाचनसम्म माओवादीमा जनप्रतिनिधीको खडेरी आउने दावी गरिन् । उनले नेकपा एमालेबाट दक्षिणपन्थि अवसरवाद र सांगठनिक अराजकहरुले पार्टी छाडेपछि नेकपा एमाले थप लोकप्रिय हुँदै गइरहेको र यो दिनुहँ पार्टी प्रवेशहरुको संख्याले देखाइरहेको बताइन् ।
नेकपा एमाले मधेस प्रदेश सदस्य वैजनाथ सहनीले अब वृन्दावन नगरपालिकामा नगर प्रमुख , उपप्रमुख र सबै वडाहरु नेकपा एमाले जित्ने बाटोमा नेकपा एमाले अगाडि बढिरहेको भन्दै वृन्दावन नगरपालिकालाई नेकपा एमालेमय बनाउन कुनै शक्तिले रोक्न नसक्ने दावी गरे । नेकपा एमाले मधेस प्रदेश सदस्य अखिलेश्वर चौधरीले नेकपा एमाले जनताको पार्टी भएकाले यसले जनताको हकहितको लागि मात्र काम गरेकाले अब आउने निर्वाचनहरुमा जनताले नेकपा एमालेलाई विजयी बनाउने दावी गरे । नेकपा एमाले रौतहट जिल्ला कमिटि उपाध्यक्ष दिपक यादवले नेकपा एमालेको सरकार आएमात्र गाउँ टोलमा विकास आउने भएकाले विकासको विकल्पनै नेकपा एमाले भएको बताए ।
नेकपा एमाले रौतहट जिल्ला कमिटि उपसचिव पलट चौधरीले सबै नेता कार्यकर्ता एकढिक्का भएर लागे नेकपा एमालेको जितको गाडीलाई कसैले रोक्न नसक्ने बताए । कार्यक्रममा ठुलो संख्यामा नेकपा एमालेका नेता, कार्यकर्ताहरुको सहभागिता रहेको थियो ।
नेकपा एमाले वृन्दावन नगर कमिटि अध्यक्ष संजय पटवाले वृन्दावन नगरपालिकामा एमालेले नजित्दा विकासमा पछाडि परेको भन्दै यस पटको स्थानिय तहको निर्वाचनमा नेकपा एमालेलाई जिताएर विकासको लहर ल्याउन आग्रह गरे ।
