स्मिथ रजक,गाैर, चैत्र २८ गते ।
राैतहटमा दुई जना निर्वाचित वडाध्यक्ष लोसपामा प्रवेश गरेका छन् । जिल्ला सदरमुकाम गौरमा आज एक कार्यक्रकका बीच विभिन्न पार्टी परित्याग गरि लोकतांत्रिक समाजवादि पार्टी (लोसपा) मा प्रवेश गरेका छन् ।
आज गौरको रामजानकी धर्मशालामा भएको कार्यक्रममा गौर नगरपालिकाका वार्ड नम्बर १ का नेपाली कांग्रेसबाट निर्वाचित वार्ड अध्यक्ष भरत शाह र वार्ड नम्बर ४ का एमालेबाट निर्वाचित वार्ड अध्यक्ष भुवनेश्वर प्रसाद शाही लगायतको ठुलो संख्यामा लोकतांत्रिक समाजवादि पार्टीमा प्रवेश गरेका छन् ।
लोकतांत्रिक समाजवादि पार्टीका केन्द्रीय नेता तथा उप प्रधानमन्त्री राजेन्द्र महतो, रौतहट क्षेत्र नम्बर १ को सांसद तथा पूर्ब मन्त्री अनिलकुमार झा, रौतहट क्षेत्र नम्बर १ (क) को प्रदेश सभा सदस्य बाबुलाल शाह र गौर नगरपालिकाका मेयर अजय गुप्ताले माला तथा टिका लगाई लोसपा पार्टीमा प्रवेश गराएका थिए ।
कार्यक्रममा लोकतांत्रिक समाजवादि पार्टीका केन्द्रीय सदस्य, जनप्रतिनिधिहरु तथा स्थानीय बासिन्दाहरु लगायतको उपस्थिति रहेको थियो । दुई जना निर्वाचित वडाध्यक्ष लाेसपामा आएपछि गाैर नगरपालिकामा याे पार्टी अझै मजबुत भएको प्रतिक्रिया नगर प्रमुख अजय गुप्ताले दिनु भएको हाे ।
राैतहटमा दुई जना निर्वाचित वडाध्यक्ष लोसपामा प्रवेश
