स्मिथ रजक,रौतहट,२०७९ जेठ २० गते
रौतहट । रौतहटको इशनाथ नगरपालिकाको कार्यपालिका सदस्यको लागि काँग्रेस—एमाले बिच गठबन्धन भएको छ । कार्यपालिकामा आफनो जित दर्ज गर्नको लागि दुवै पार्टी बिच सहमती भइ चुनावमा गएको पूर्व मेयर संतोष मेहताले बताउनु भयो ।
गठबन्बधन पछि सम्पन्न भएको कार्यपालिका चुनावमा पुरै प्यानल निर्वाचित भएका छन् । आठै जना उम्मेदवार काँग्रेस—एमालेका हुन् ।
नगरपालिकाको कार्यपालिका निर्वाचनका लागि मनोनयन दर्ता गराएका काँग्रेस—एमालेका आठ जना निर्वाचित भएको इशनाथका निर्वाचन अधिकृत रामकृष्ण उप्रेतीले जानकारी गराउनु भयो । निर्वाचित भएका कार्यपालिका सदस्यहरुमा नेपाली काँग्रेसका ५ जना र एमाले पार्टीका ३ जना रहेका छन् ।
यो सँगै कार्यपालिकामा काँग्रेस र एमालेको बहुमत पुगेकोबुझिएको छ ।इशनाथ नगरपालिकाको महिला कार्यपालिका सदस्यहरुमा रामकलि कनुइन,सुन्दरता देवी,खुसैदा खातुन,कमली देवी,समसुन नेसा छन् भने दलित तथा अल्पसङ्ख्यकबाट लक्ष्मी नारायण राम,तेजीलाल साह,उपेन्द्र महरा उम्मेदवारी दिएका थिए । सबै सदस्य निर्वाचित भएको निर्वाचन अधिकृत उप्रेतीले जानकारी गराउनु भएको हो ।
