आईतबार विश्व वातावरण दिवस रौतहटमा वृक्षारोपण कार्यक्रम गरेर मनाइएको छ । आईतबारका दिन रौतहट सहित नेपालभरि वृक्षारोपण कार्यक्रम गरेर धुमधामसंग मनाईएको छ ।
संयुक्त राष्ट्रसंघको आह्वानमा सन् १९७३ देखि विश्वमा वातावरणप्रति सचेतना फैलाउने उद्देश्यले हरेक वर्षको ५ जुनमा विश्व वातावरण दिवस मनाउने गरिन्छ ।‘केवल एउटा पृथ्वी’ भन्ने मुल नारासहित यस वर्षको वातावरण दिवस मनाईएको छ ।
सोहि अवसरमा रौतहट जिल्लाको मध्यभागमा अवस्थित रहेको गरुडा नगरपालिकाको नगर प्रमुख कन्थमनि प्रसाद जैसवालले बिभिन्न प्रजातिका बिरुवा रोपि मनाएका छन ।
जिल्लाको गरुडा नगरपालिकाको वार्ड नं.४ गरुडा स्थित रहेको श्री माध्यमिक बिधालय गरुडा ,खानेपानी टंकी ,प्रा.बि स्कुल अमरपटी बिधालयमा करिब ५ प्रकारका तिन सय भन्दा बढि बिरुवाहरु रोपेको नगर प्रमुख जैसवालले बताए ।रोपिएका बिरुवाहरु मध्ये टिक ,सपेता ,आँप लगायत फुलका बिरुवाहरु रोपेको मेयर जैसवालले बताए ।
बिरुवा रोप्दै गरुडा नगरपालिकाका नगर प्रमुख जैसवालले बिरुवा रोपेर मात्र नहुने भन्दै यसको संरक्षण आवश्यक रहेको बताए । मेयर जैसवालले सबै मिलेर बिरुवा रोपण र संरक्षण गर्दा पानीका मुहान सुक्ने समस्याको पनि अन्त्य हुने भन्दै बिरुवा संरक्षण गर्नु सबैको दायित्व भएको बताए ।
बिग्रदै गरेको वातावरणीय अवस्था र यसबाट उत्पन्न चुनौतीको सामाना गर्न आज बिहानै देखि वृक्षारोपण गरिदैँ आईरहेको बताए छ ।नगर प्रमुख जैसवालले वातावरण विनाश हुनबाट रोक्न सबै नागरिक सजग र सचेत हुनुपर्ने बताएका छन् । विश्व वातावरण दिवसका अवसरमा आइतबार मेयर जैसवालले वातावरण विनाश हुनबाट रोक्न हामी एक्लैले केही गर्न नसकेपनि सबैको सहयोग र साथको आवश्यकता रहेको बताएका थिए ।
त्यस क्रममा जैसवालले नेपालले वातावरणका सन्दर्भमा नगरबासिहरुको ध्यानाकर्षण गराउन सक्नुपर्ने पनि बताए ।बिरुवा रोपणमा गरुडा नगरपालिकाको नगर उप–प्रमुख पुनम चौधरी ,वार्डका वडाअध्यक्ष ,बिधार्थी , जनप्रतिनिधिहरु लगायत पत्रकारको उपस्थिति रहेको थियो ।
