राैतहट,२९ गते असार
स्थानिय सराकार आए देखि जनताले धेरै आशा र अपेक्षा राखेका थिए । तर त्यो आशा निराशामा परिणत हुदै गएको छ । रौतहटमा केहि स्थानिय सरकारले आफनो मनलाग्दी गर्न थालेका छन् । सस्तो लोकप्रियता कमाउने नाममा विधार्थीहरुको भविष्य माथि नै खेलवाड गर्न सुरु गरेका छन् ।
बिधार्थीहरूको हातमा पाठ्यपुस्तक नभएको अवस्थामा जिल्लाको गरुडा नगरपालिकाले पहिलो त्रैमासिक परिक्षा लिइरहेको छ । बिना कुनै योजनाले नै बिधालयहरूमा पहिलो त्रैमासिक परीक्षा गरूडा नगरपालिकाले गराईरहेको देखिन्छ ।
बिधार्थीहरू प्रश्न पत्र र पाठ्यपुस्तक बिनानै परीक्षा दिन बाध्य भएका छन् । बिधार्थीले आफनो घर बाट ल्याएको कपिले परीक्षा दिन बाध्य भएको देखिन्छ । करोडौंको खर्च हुने नगरपालिकामा बिधार्थीहरूको लागि कपि किन्न र प्रश्नपत्र छपाइ गर्न रकम छैन् ।
यस्तो परीक्षा प्रणालीले गर्दा शिक्षाको गुणस्तर झन खस्किदै जाने स्थानीय शिक्षाप्रेमी बुद्धिजीवीहरूको ठम्याइ रहेको छ । अर्काे तिर शिक्षा शाखा बाट शिक्षा सम्बन्धि उचित सर सल्लाह दिनु पर्ने ठाउँमा के कति कारणले बिना कुनै प्लानिङ्गको परीक्षा लिईरहेका छन् । यो एकदम जिज्ञाशाको विषय बनेको छ ।
यसले विधार्थीहरूको भविष्य सरासर अन्ध्यारो तिर गईरहेको देखिन्छ ।
जिम्मेवार शिक्षा शाखाले उचित बाटो देखाउनु पर्ने हो । तर त्यस्तो नभएको देखिन्छ । एक महिना पनि पढाइ भएको छैन् जाँच लिन सुरु गरिएको छ । यस्तो परिक्षा हेर्दा अठारौं शताब्दीतिरको परीक्षाको जस्तो झझल्को देखिन्छ ।
यस विषयमा जिल्ला शिक्षा समन्वय इकाइ रौतहटका प्रमुख रामविनय सिंह सँग सोध्दा गरुडा नगरपालिकाले पहिलो त्रैमासिक परिक्षाको बारेमा कुनै सल्लाह नगरेको प्रष्ट पारे । गरुडा बाहेक जिल्लाको कुनै पनि पालिकाले जाँच नलिरहेको जानकारी गराए । परिक्षा सञ्चालनको खर्च एकमुष्ट आउने गरेको र बाँकी पालीकाले व्यहोर्ने गरेको बताए ।
यता यस विषयमा शिक्षा संयोजक मौजेलाल यादव सँग सोध्दा नगरप्रमुख कन्थमनी जयसवालको निर्देशन अनुसार नगर भरिको सामुदायिक विधालयहरुमा पहिलो त्रैमासिक परिक्षा चलिरहेको बताए । विधार्थीहरुलाइ प्रश्न बोर्डमा लेखेर र उतरपुस्तिका बिधार्थीहरुले आफै व्यवस्था गरेर जाँच दिइरहेको स्विकार गरे ।
