रौतहट,२२ गते भदौ
निजामती दिवस २०७९ को अवसरमा नापी कार्यालय गरुडाका कर्मचारीहरु द्वारा बन्शिराम अनाथालय लाई खाद्यान्न सहयोग गरिएको छ । नेपालमा हरेक वर्ष भदौ २२ मा निजामती दिवस मनाईदै आएकाे छ ।
व्यावसायिक र सिर्जनशील प्रशासन विकास समृद्धि र सुशासन भन्ने नाराका साथ नापी कार्यालय गरुडा रौतहटका निजामती कर्मचारीहरुले निजामती दिवसको अवसरमा रौतहटको मध्यभाग गरुडामा अवस्थित रहेको बन्शिराम जैसवाल अनाथालयमा आज अनेकौं प्रकारका खाद्यान्न सामाग्री हस्तान्तरण गरिएको नापी कार्यालय गरुडा कर्मचारी एवं फतुवा विजयपुर नगरपालिकाको लेखा प्रमुख नवीन यादवले बताएका छन् ।
