मुकेश साह,रौतहट ५,असोज । रौतहटको गरुडा नगरपालिका अब फ्री वाई-फाई जोन हुने भएको छ । वर्ल्ड-लिंकको सहकार्यमा नगरभरी वाई-फाई जडान हुन लागेको हो । नगरपालिका भित्रको हरेक वार्डमा वाईफाई लगाईने नगरप्रमुख कन्थमणी प्रसाद जयसवालले बताए ।
“सामान्य नगरबासीलाई पनि इन्टरनेटको पहुँचमा पु¥याउने हाम्रो लक्ष्य हो”, नगर प्रमुख जयसवालले भने, “इन्टरनेटको प्रयोगबाट हरेक वर्ग लाभान्वित हुने आशा छ ।”
गरुडा नगरपालिका वडा न. ६ पोठियाहीमा यसको उद्घाटन गरी जडान कार्यको सुरुवात गरिएको छ ।
कार्यक्रमलाई सम्बोधन गर्दै मेयर जयसवालले आफनो चुनावी घोषणा पत्रमा भने अनुसार गरुडा नगरपालिकालाई फ्री वाईफाई जोन बनाउन लागेको जानकारी दिए । उनले अहिलेको प्रबिधिको युगमा नभइ नहुने ईन्टरनेट सेवा सबैलाई सहज होस भनेर गरुडाको विभिन्न स्थानमा फ्री वाईफाई सेवा जडान गरिन लागेको बताए।
विज्ञान र प्रविधिको युगमा इन्टरनेट अपरिहार्य रहेकोले नगरपालिकाबाट प्रवाह हुने सेवासुविधालाई समेत प्रविधिमैत्री बनाउदै लैजाने समेत उनले बताए ।
नगरपालिकाले सुरुवात गरेको यो कार्यले नगरबासीको जीवन सहज र परिणाममुखी बनाउने विश्वास उनले व्यक्त गरे । विशेषत यसले विद्यार्थी र बालबालिका बढी लाभान्वित हुने मेयर जयसवालको बिश्वाश छ ।
रौतहटको गरूडा न.पाका मेयर जयसवालले गरेकाे प्रतिबद्धता अनुसार हरेक वडामा फ्री वाई-फाई जडान गर्दै
