रौतहट,०६ गते असोज
रौतहट जिल्लाको फतुवा विजयपुर नगरपालिकामा अबैध रुपमा सन्चालनमा रहेको ठूलो परिमाणको अबैध घरेलु मदिरा रक्सी भठ्ठी प्रहरीले फोडेर नष्ट गरेको छ ।
जिल्ला प्रहरी कार्यालय रौतहट र मातहतको ईलाका प्रहरी कार्यालय विजयपुरका प्रहरी निरीक्षक सुरेन्द्र धमलाको नेतृत्वमा गएको संयुक्त प्रहरी टोलीले घरेलु मदिरा भठ्ठी नष्ट गरेको हो ।
टोलिले फतुवा विजयपुर वडा नम्बर ३ स्थित बाँसघारीमा सञ्चालनमा रहेको सो भठ्ठीमा तोडफोड गरी नष्ट गरेको हो । फुसको घरमा अबैध रुपमा संचालनमा रहेको घरेलु मदिरा उत्पादन गर्ने भट्टीबाट विभिन्न सामाग्रीहरु पनि बरामद गरिएको छ ।
घरेलु मदिरा बनाउन प्रयोग हुने ५२०० लिटर कच्चा पदार्थ , ४० लिटर तयारी मदिरा , मदिरा बनाउन मेसिन १ थान ,प्लास्टिक ड्रम २६ वटा ,ग्यालन २ थान बरामद गरेको इलाका प्रहरी कार्यालय विजयपुर लक्षमिनियाका इन्सपेक्टर धमलाले जानकारी गराए । बरामद गरिएको कच्चा पदार्थ र तयारी मदिरा प्रहरीले पोखेर नष्ट गरेको उनले बताए ।
