रौतहट,१५ गते
रौतहटमा बेल नेवतन भव्य रुपमा गरिएको छ । हजारौँको सहभागितामा बेल पूजा अर्थात् बेल नेवतन गरिएको छ ।
जिल्लाको कटहरिया,फतुवा बिजयपुर,गरुडा,गुजरा,मौलापुर, माधवनारायण,देवाही गोनाही, ईशनाथ लगायत १८ स्थानिय तहमा बाजागाजा सहित भव्य रुपमा बेल नेवतन विधि गरिएको छ ।
सप्तमीको दिन बेलको रुखबाट बेल टिपेर ल्याउने परम्परा रहेको छ । विशेष रुपले तान्त्रिक विधिले षष्ठीको दिन पूजा गर्ने चलन छ । बेलको पूजा गर्न मन्दिरबाट बेलको रुखसम्म विशेष झाँकी प्रदर्शन र तामझामका साथ गर्ने चलन रहेको छ ।
रौतहटको दुर्गा भगवती गाउँपालिकाको मत्सरीमा रहेको प्रसिद्ध शक्तिपीठ दुर्गा मन्दिर ,राजदेवी नगरपालिकाको राजदेवी मन्दिरमा लगायत जिल्लाका शक्तिपीठहरुमा हजारौँको सहभागितामा बेल नेवतन निकालिएको छ ।
