स्मिथ रजक रौतहट मंसिर ८ गते राैतहट क्षेत्र नम्बर २ मा प्रतिनिधि सभाका स्वतन्त्र उम्मेदवार किरण साह विजयी भएका छन् । उनी कांग्रेसका डा.फिरदाेस आलमलाई पराजित गर्दै विजयी भएका हुन् ।
साहले ३२ हजार ८ सय ४२ मत ल्याएर विजयी भएका हुन् भने उनका प्रतिद्धन्द्धी आलमले २८ हजार दु सय ४८ मत प्राप्त गरेका छन् । साहलाई समर्थन गरेका जसपा उम्मेदवार शैलेन्द्र साहले २ हजार १ सय २२ मत प्राप्त गरे ।
यस अघिकाे निर्वाचनमा उक्त क्षेत्र बाट माे.आफताब आलम विजयी भएका थिए । आलमकाे विरासतकाे रूपमा परिचित याे क्षेत्रमा यसपालि ईतिहास नै फेरिएकाे छ । पहिलाे पटक साह निर्वाचित भएका छन् ।
प्रदेश सभा क तर्फ भने नेकपा एमालेका उम्मेदवार माे.जैद आलम विजयी भएका छन् जबकि ख तर्फ एसमाजवादीका उम्मेदवार कनिश पटेल प्रदेश सांसदमा विजयी भएका छन् ।
काे हुन् किरण साह?
राजपुर नगरपालिका वार्ड नम्बर ५ राजपुर निवासि कम्युनिस्ट पृष्ठभूमिका किरण साह २०७० सालकाे संविधानसभा निर्वाचन , २०७४ काे प्रतिनिधि सभा निर्वाचनमा चुनाव लडेका थिए । तर उनी पराजित हुन पुगे । यसपालिकाे चुनावमा भने निर्वाचित भएका हुन् ।
