राैतहट,मंसिर १८ गते
राैतहटकाे फतुवा बिजयपुर नगरपालिका–२ मा रहेको श्री माध्यमिक विद्यालयका विद्यार्थीहरू बेन्चको अभावमा चिसो भूइँमा बसेर पढ्न बाध्य भएका छन् । सितलपुर निवर्तमान नगरप्रमुख गाेपाल राय यादवकाे आफनै वडा रहेकाे भएतापनि बिधालयमा यस्ताे अवस्था छ ।
साे बिधालयमा फर्निचरकाे अभाव भई विद्यार्थी भूइँमा बसेर पढ्न बाध्य भएका छन् । बि.स. २०१७ सालमा स्थापना भएको साे तर्फ स्थानीय सरकारकाे ध्यान छैन् । कुल ८०० विद्यार्थी रहेकाे विद्यालयमा कक्षा १ देखि ६ सम्मका बिधार्थी चिसो भूइँमा बसेर पढ्न बाध्य भएका छन् ।
भाैतीक संरचना अन्तर्गत आठ काेठे नयाँ भवन निर्माण भएपनि बिधार्थीहरू लाई बस्नकाे लागि बेन्च नै छैन् ।
विद्यालयको दयनीय अवस्थाबारे कसैले चासो नदिएको विद्यालयका प्रधानाध्यापक बुनिलाल यादवले गुनासो गर्नुभयो ।
उनले भने“विद्यालयमा बेन्च नभएकाे विषयमा सरोकारवाला निकायले चासो दिएनन् । विद्यालयकाे अवस्थाका विषयमा नगरपालिकाको शिक्षा शाखा सहित कार्यवाहक नगरप्रमुख अम्बेया खातुन र प्रमुख प्रशासकिय अधिकृत शम्भु कुमार यादवलाई जानकारी दिएको हुँ । तर कसैले पनि यस विषया ध्यान दिएनन् । “
यस विषयमा वडा अध्यक्ष अनिरूद्व प्रसाद यादव सँग बुझदा नगरपालिकाले उपलब्ध नगराएमा आफूले आगामी आर्थिक वर्षकाे बजेट बाट बिधालयकाे लागि बेन्च खरिद गर्ने प्रतिबद्धता जनाउनु भएको छ ।
