स्मिथ रजक,
राैतहट,२०७९पुस ०२ गते
राैतहटको ईशनाथ नगरपालिकाले गरिब तथा विपन्न परिवारको निम्ति आर्थिक सहयोग गर्ने भएको छ । नगरपालिकाले गरिब तथा विपन्न वर्गकाे परिवारकाे सदस्यकाे निधन भएमा १५ हजार रुपैयाँसम्म आर्थिक सहयोग गर्ने जनाएको हो ।
ईशनाथ नगरपालिकाकी नगर प्रमुख कौशल्या देवी र उप प्रमुख मो. परवेजको अध्यक्षतामा शुक्रबार बसेको कार्यपालिका बैठकले यस्तो निर्णय गरेको हाे । गरीब तथा विपन्न वर्गका सदस्यहरूको मृत्यु पश्चात वडाकाे सिफारिश अनुसार रू १५००० किरिया खर्चकाे लागि उपलब्ध गराउने निर्णय भएको नगरपालिकाले जानकारी गराएको हाे ।
नगरपालिकाले यसअघि अन्य समस्यामा रहेका गरिव, विपन्न परिवारलाई सहयोग गर्दै आएको र अब देखि नपाले यस्तो किसिमको सहयोग गर्ने निर्णय गरेको नगरपालिका प्रमुख काैशल्या देवीले बताईन् ।
नगपालिकाले स्थानीय सरकारको तर्फबाट उपलब्ध गराउने आर्थिक सहयोग ठूलो रकम नभए पनि अति गरिब तथा विपन्न परिवारका लागि ठूलो राहात हुने विश्वास लिएको छ ।
