रौतहट, पुष ५ गते
रौतहटमा एकजना मेयरका प्रत्याक्षिले लाखौं मुल्य बराबरको एकथान प्रोटेबल अल्ट्रासाउण्ड मेसिन गरुडा नगरपालिका कार्यालयलाई हस्तान्तरण गरेको छ ।
सोमबार नेकपा एकिकृत समाजवादीबाट गरुडा नगरपालिकाको मेयरमा चुनाव लड्ेका बृज किशोर यादवले सोमवार एक कार्यक्रमकाबीच नगरपालिकाकी उपप्रमुख पुनम देवी चौधरीलाई उक्त प्रोटेबल अल्ट्रासाउण्ड मेसिन हस्तान्त्रण गरेका छन् ।
आफनै पहलकदमीमा स्वास्थ्य तथा जनसङ्ख्या मन्त्रालय काठमाठौंबाट सहयोग प्राप्त गरेका १५ लाख मुल्य बराबरको उक्त मेसिन स्वास्थ्य संस्थालाई प्रदान गर्न मेयर प्रत्याक्षि यादवले उपप्रमुख चौधरीलाई हस्तान्त्रण गरेका हुन ।
ग्रामीण क्षेत्रका गर्भवती महिलाको स्वास्थ्य परीक्षण र त्यसको नतिजाको आधारमा उपचार गर्न सहयोग होस भन्ने उद्देश्यले उक्त प्रोटेबल अल्ट्रासाउन्ड मेसिन हस्तान्तरण गरिएको उनले बताए ।
यो मेसिनले गर्भवती महिलाको पेटमा रहेको बच्चाको अवस्था सजिलै थाहा पाउन सकिने भएको हुँदा यसले गर्भवती महिला र नवजात शिशुको मृत्युदर घटाउन निकै सहयोग पुग्ने विश्वास गरिएको उनले बताए ।
गर्भवती महिला, सुत्केरी आमा र नवजात शिशुको मृत्यु कम गर्न र स्वास्थ्य सुरक्षाको बारेमा जानकारी लिन यो मेसिन निकै उपयोगी हुनेछ ।
उक्त मेसिनले महिलाको गर्भमा समस्या भएमा समयमै पत्ता लाग्न सजिलो हुने नगर उपप्रमुख चौधरीले बताइन । यो मेसिन ल्याउन गरुडा नगर प्रमुख कन्थमनी प्रसाद जयसवालको पनि भूमिका महत्वपुर्ण रहेको छ ।
प्रदान गरिएको उक्त अल्ट्रासाउण्ड मेसिन वडा नं ५ शिवनगर स्थित रहेको प्रसुति गृहलाई उपलब्ध गराउने मेयर जयसवाले बताए ।
सो अवसरमा इलाका प्रहरी कार्यालय गरुडाका प्रहरी नायव उपरीक्षक डिएसपी बरुण बहादुर सिंह, नगरपालिकाका निमित्त प्रमुख प्रशासकीय अधिकृत रामबाबु यादव, नेता शैलेस जयसवाल, पत्रकार लगाएतको उपस्थिती रहेको थियो ।
रौतहटको गरुडा नगरपालिकालाई एकथान प्रोटेबल अल्ट्रासाउन्ड मेसिन हस्तान्त्रण
