राैतहट,पुस ०९ गते
राैतहट जिल्लाकाे फतुवा बिजयपुर नगरपालिकामा बहुक्षेत्री पाेषण कार्यक्रम अन्तर्गत कामै नगरी पेशकी फर्छयाैट गर्ने दाउमा कार्यक्रम संयाेजक मुकेश साह रहेका छन् ।
साे नगरपालिकामा बहुक्षेत्रिय क्षेत्रीय पोषण कार्यक्रम टिसर्ट वितरणमै सिमित राखिएकाे छ । त्यसकाे अलावा केही पनि वितरण गरिएकाे छैन् । बजेट हिनामिना गर्ने नियतले कुनै पनि कार्यक्रम सञ्चालन गरिएको छैन् । केही दिन अघि केहि संख्यामा मात्र टिसर्ट वितरण गरि लाखौं रकम पचाउन खाेजिएकाे हाे । कामै नगरी बजेट हिनामिना गर्ने नियतले यस्तो गर्न लागिएकाे स्राेतले बताएकाे हाे ।
गत आर्थिक वर्ष २०७८/७९ मा सम्पन्न गर्नु पर्ने कार्यक्रम अहिलेसम्म सकाईएकाे छैन् । गत भदौ ०२ गते गत बुधबार बहुक्षेत्रिय पाेषण कार्यक्रम नगर स्तरीय पाेषण तथा खाद्व सुरक्षा निर्देशक समितिकाे बैठक तथा अभिमूखिकरणकाे नाममा एक दिनमै १३ लाख बजेट सकाउन खाेजिएकाे थियो । बहुक्षेत्रीय पाेषण कार्यक्रममा अनियमितता भएको शिर्षककाे खबर बाहिर आएपछि टिसर्ट वितरण गर्न सुरू गरियाे ।
कार्यक्रम संयाेजक साहले कार्यक्रम नै सञ्चालन नगरी भुक्तानी लिएकाे बुझिएको छ । कार्यक्रम सञ्चालनका लागि उनले करिब १३ लाख रूपैयाँ पेश्कीकाे रूपमा लिएकाे स्राेतले जनाएको हाे ।
नगरपालिकाले गाउँका सुत्केरी, गर्भवती महिलालाई बहुक्षेत्रीय पोषण योजना अन्तर्गत युरोपेली संघ र संयुक्त राष्ट्रसंघिय बालकोष (युनिसेफ) को सहयोगमा साे नपाका वडामा महिलाहरूलाई कुखुरा, घिउ तथा पाेषण सामाग्री वितरण गर्नका लागि आएकाे रकममा अनियमितता गरेको आरोप छ ।
गत आर्थिक वर्ष २०७८/७९ मा सकाउनु पर्ने कार्यक्रम चालू आर्थिक वर्ष २०७९/८० काे एकै दिन कार्यक्रम गरि सकाउन खाेजिएकाे थियाे । भदौ ०२ गते भएको कार्यक्रममा टाँसिएको बैनरमा मिति पनि लेखिएको थिएन । बैक डेटमै गरियो । नगरपालिकाका प्रमुख प्रशासकिय अधिकृत शम्भु कुमार यादवलाई राजनीतिक दबाब दिलाई कामै नगरी पेश्कीकाे रकम हिनामिना गरेका छन् ।
बहुक्षेत्रिय पाेषण कार्यक्रममा अनियमितता भएकाले छानबिन हुनुपर्ने माग स्थानीयको छ ।
बाल र मातृ मृत्युदर घटाउन र विपन्न तथा सीमान्तकृत वर्गका गर्भवती महिला तथा २ वर्षमुनिका बच्चालाई पोषण प्रदान गर्ने उद्देश्यले साे कार्यक्रम सञ्चालित रहेकाे छ । कार्यक्रम सञ्चालन भएको भए करिब २७ लाख जति बजेट आउनुपर्ने थियाे । तर कार्यक्रम नै नगरेकाेले बहुक्षेत्रिय पाेषण कार्यक्रमका लागि १३ लाख मात्र बजेट उपलब्ध गराईएकाे हाे । अहिले आएर कामै नगरी फर्छयाैट गर्ने दाैडधुपमा कार्यक्रम संयाेजक साह लागेकाे बुझिएको छ ।
यस विषयमा कार्यक्रम संयाेजक साह सँग साेध्दा सम्पर्क हुन सकेकाे छैन् । फतुवा बिजयपुरका लेखापाल नवीन यादव सँग बुझदा फर्छयाैट गर्न बाँकि रहेको प्रतिक्रिया दिए ।
