रौतहट २०७९पुस१७ गते
रौतहटको राजपुरबाट ९१ किलो गाँजा प्रहरीले बरामद गरेको छ।जिल्लाको राजपुर नगरपालिका १ पिपरा भगवानपुर स्थित पिपरा टोलबाट १३ पोको गाँजा बरामद भएको प्रहरीले जनाएको छ ।
गोप्य सूचनाका आधारमा खटिएको प्रहरीले टोलीले आइतबार बिहान करिब ११ बनेतिर जेएच १० एक्स ४२१२ नम्बरको बोलेरोलाई रोकी चेकजाँच गर्ने क्रममा १३ पोका लागूऔषध गाँजा बरामद गरेको जिल्ला प्रहरी कार्यालय रौतहटले जनाएको छ ।
प्रहरीका अनुसार गाँजा बरामद भएको स्थानबाट करिब १० मिटर दक्षिण बिआर ३० यू ०४७४ नम्बरको मोटरसाइकल समेत बेवारिसे अवस्थामा भेटिएको छ ।
लागूऔषध गाँजा लोड गरिएको गाडी तथा मोटरसाइकललाई आवश्यक कारवाहीको लागि गौर भन्सार कार्यालयमा बुझाईएको जिल्ला प्रहरी कार्यालयका प्रवक्ता उमाशंकर प्रसाद यादवले जानकारी दिए ।
यसबारे थप अनुसन्धान भइरहेको प्रहरीले जनाएको छ ।
