रौतहट ,२०७९पुस १८ गते
रौतहटको कटहरिया नगरपालिकाका नगर प्रमुख अजय प्रकाश जयसवालले स्वास्थ्य सामाग्री हस्तान्तरण गरेका छन् । कटहरिया नगरपालिका वडा नम्बर ५ स्थित रहेको प्राथमिक स्वास्थ्य केन्द्रलाई लाखौं मुल्य बराबरको स्वास्थ्य सामाग्री तथा उपकरण हस्तान्तरण गरेका हुन् ।
सोमबार आयोजित एक कार्यक्रमका बीच मेयर जयसवालले स्वास्थ्य केन्द्रका ईन्चार्ज डा.अनिल साहलाई सो सामग्री हस्तान्तरण गरेका हुन् । नगर उपप्रमुख रितादेवी यादवले स्वास्थ्य तथा जनसङ्ख्या मन्त्रालय काठमाठौंबाट पहल गरी ल्याएकोे भिडियो एक्सरे मेसिन,अक्सिजन ,नेबुलाईजर सहितका विभिन्न स्वास्थ्य सामाग्रीहरू स्वास्थ्य संस्थालाई मेयर जयसवाल प्रदान गरेका हुन् ।
ग्रामीण क्षेत्रका गर्भवती महिलाको स्वास्थ्य परीक्षण र त्यसको नतिजाको आधारमा उपचार गर्न सहयोग होस भन्ने उद्देश्यले उक्त अल्ट्रासाउन्ड मेसिन हस्तान्तरण गरिएको उनले बताए । नगरवासीको स्वास्थ्यको मध्य नजरगरि मेयर ती औषधीहरू खरिद गराई वितरण गराउनु भयो ।
कार्यक्रममा नि.प्रमुख प्रशासकीय अधिकृत हरेन्द्र यादव,योजना शाखा प्रमुख रामनरेश यादव लगायतका व्यक्तिहरूको उपस्थिति रहेको थियो । स्वास्थ्य क्षेत्रको अवस्था सुधार गर्नेतर्फ कटहरिया नगरपालिका अग्रसर भएको देखिएको छ ।
