२०७९पुस १८ गते
रौतहटमा श्रोत नखुलेको भारतीय रुपैयाँ सहित २ जना पक्राउ परेका छन् । पक्राउ पर्नेमा भारत विहार राज्य मोतिहारी जिल्ला मोतिहारी नगरपालकिका वडा नम्बर ३५ न्यु गोपालपुर बल्हाचोक वस्ने अन्दाजी वर्ष ३५ को आजाद कुमार मालाकार र सोही ठाँउ बस्ने अन्दाजी वर्ष ३२ को संजिव कुमार तिवारी रहेका छन् ।
आज दउिँसो सावा १२ बजेको समयमा भन्सार सुरक्षा गार्ड र सशस्त्र प्रहरी वल वि.ओ.पी.भन्सारबाट संयुक्त रुपमा खटिएको प्रहरी टोलीले जिल्ला रौतहट गौर नगरपालिका वडा नम्बर १ भन्सार गार्ड अगाडी चेक पवाईन्ट खडा गरी चेकिङ्ग गर्ने क्रममा भारतबाट नेपाल तर्फ आउदै गरेको बिआर ०५ एएन नम्बरको मोटरसाईकललाई रोकी चेकजाँच गर्दा उनीहरु पक्राउ परेका हुन् ।
आजाद कुमार मालाकारको साथबाट दुई लाख पैतालीस हजार र संजिव कुमार तिवारीको साथबाट दुई लाख चार हजार पाँच सय समेत गरी दुबै जनाको साथबाट श्रोत नखुलेको भारतीय नगद रु. चार लाख उन्नपचास हजार पाँच सय फेला परेकोले र उक्त नगद सहित निजहरुलाई र मोटरसाईकल समेत नियन्त्रणमा लिई पथलैया राजश्व अनुसन्धान कार्यालय थप अनुसन्धानको लागि पठाईएको जिल्ला प्रहरी कार्यालय रौतहटले जनाएको छ ।
