२०७९पुस २५ गते
प्रतिपक्षी बेन्चमा बस्ने समाचार भ्रामक रहेको रौतहट क्षेत्र नम्बर ३ का संघीय सांसद प्रभु साहले बताउनु भएको छ । आम जनता पार्टी (आजपा) का अध्यक्ष समेत रहेका पूर्वमन्त्री साहले केही संचार माध्यमले भ्रामक समाचार लेखेर चरित्र हत्या गर्ने षडयन्त्र गरेको बताएका छन् । सुनियोजित रुपमा मेरो चरित्र हत्या गर्ने प्रयास गरिएको साहले आरोप लगाएका छन् ।
प्रधानमन्त्री पुष्पकमल दाहाल प्रचण्डले मंगलबार विश्वासको मत लिने तयारी गरेका छन् । त्यसमा प्रतिपक्षी बेञ्चमा बस्ने हल्ला फैलाइएको प्रति आफनो गम्भिर ध्यानाकर्षण भएको उनले बताएका छन् । गतपुस १० गते नेकपा माओवादी केन्द्रका अध्यक्ष दाहाललाई प्रधानमन्त्री पदमा नियुक्त गर्न समर्थन गरेका थिए र उनले समर्थन कायमै राखेको बताएका छन् । तर केही संचार माध्यममा अध्यक्ष साहले प्रतिपक्षी बेन्च रोजेको समाचार सम्प्रेषण भएपछि सांसद साहले उक्त समाचारको खण्डन गरेका छन् ।
साहले आफनो आधिकारीक फेसबुक पेज मार्फत उक्त समाचार भ्रमपूर्ण र गौरजिम्मेवार भएको टिप्पणी गरेका छन् । मेरो नाम जोडी संसदको प्रतिपक्षमा बस्ने भन्नी आएको संसद सचिवालय र विभिन्न संचार माध्यमको भ्रमपूर्ण, कपोकल्पित एवं गैरजिम्मेवारपूर्ण समाचारप्रति मेरो गम्भीर ध्यानाकर्षण भएको बताएका हुन् । यसरी आफनो चरित्र हत्याको दुष्प्रयास गर्नु खेदजनक विषय रहेकोले शिघ्र सार्वजनिक रुपमा माफी माग्दै तत्काल स्टेटमेंट÷समाचारमा सुधार गर्न माग गर्नु भएको छ ।
