२०७९माघ ०२ गते
रौतहट जिल्लाको गुजरा नगरपालिकामा माघी महोत्सव चलिरहेको छ । सो नगरपालिकाको वडा नम्बर २ चोचा फन पार्कमा आइतवार देखि महोत्सव शुभारम्भ भएको हो । महोत्सवको दोस्रो दिन राष्ट्रिय कलाकार मुस्कान चौधरीले आफनो प्रस्तुती देखाएकी थिइन् ।
थारू भाषा र संस्कृति हाम्रो सान,सबैजना थारू भाइ बहिन मिलि बचाउ आफनो पहिचान भन्ने मूल नाराका साथ सुरू भएको महोत्सव ४ दिन सम्म चल्ने आयोजकले जानकारी गराएको हो ।
थारू कल्याणकारी समिति रौतहटको आयोजनामा सो महोत्सव चलिरहेको छ । सोमबार नगर प्रमुख सन्तलाल चौधरीको प्रमुख आतिथ्यतामा माघी महोत्सव आयोजन गरिएको थियो । साथै प्रमुख अतिथी चौधरीले आयोजकको तर्फबाट थारू जातीको प्रतिनिधित्व गर्दै विभिन्न क्षेत्रमा योग्दान पुर्याए वापत दर्जनौं व्यक्तीहरुलाइ सम्मान पनि गरेका थिए ।
महोत्सवमा रंगपुर,चोचा ,सन्तपुर सहितको ठाउँहरु बाट आएका स्थानीय कलाकारहरूले आफनो कलाको प्रस्तुति देखाएका थिए । थारू संस्कृति झल्किने झाकीहरू प्रस्तुत गरिएको थियो । साथै विभित्र ठाउँका स्थानीय कलाकारहरूले थारू संस्कृति झल्कने नाटक,नृत्य सहित आफनो कला प्रस्तुत गरेका थिए ।
सो अवसरमा थारु कल्याणकारी समिति रौतहटका अध्यक्ष सरोज चौधरी, वडा नम्बर ९ का वडा अध्यक्ष प्रेम चौधरी,वड नम्बर ३ का वडा अध्यक्ष गजेन्द्र कुमार चौधरी,वडा नम्बर ७ का वडा अध्यक्ष अबदुल्लाह लगायतको उपस्थिती रहेको सो वडाका वडा अध्यक्ष अशोक चौधरीले जानकारी गराउनु भएको हो । गुजरा नगरपालिकाले महोत्सव मनाउन माघ २ गते स्थानीय विदा समेत दिएको थियो ।
