स्मिथ रजक रौतहट १४ माघ
रौतहटको देवाही गोनाहीमा जनता समाजवादी पार्टीको नगर स्तरीय संगठन विस्तार कार्यक्रम शनिबार सम्पन्न भएको छ । रौतहटको देवाहीगोनाही नगरपालिकाको बौधीदेवी प्रावि प्रेमपुरमा सो भेला सम्पन्न भएको हो ।
जनता समाजवादी पार्टीको संगठन विस्तारको क्रममा विर बहादुर राय यादवको अध्यक्षतामा ३१ सदस्यीय नगर तदर्थ समिति गठन गरेको छ । त्यसैगरि उपाध्यक्ष रघुनाथ साह र सेख नजिर , सचिव कमलेश यादव , सहसचिव दिपक साह कानु , सन्तोष पटेल , कोषाध्यक्ष तेतरी देवी कुम्हार सदस्यहरुमा रामप्रबेश पटेल , जाहिर अंसारी , जयमंगल यादव , विन्देश्वर पंडित , रमन साह ,भोला राय , शैलेन्द्र पटेल लगायतका ३१ सदस्यीय देवाहीगोनाही नगर तदर्थ समिति चयन गरेको नवनिर्वाचित अध्यक्ष विर बहादुर राय यादवले तराई पोष्टलाई जानकारी दिनु भयो ।
जनता समाजवादी पार्टी नेपालका जिल्ला अध्यक्ष श्याम बिहारी यादवको अध्यक्षता तथा केन्द्रिय राजनितिक समितिका सदस्य बिश्वनाथ पटेलको प्रमुख आतिथ्यतामा सो कार्यक्रम सम्पन्न भएको हो । कार्यक्रममा सो नगरपालिकाका १ नम्बर वडा देखि ९ नम्बर वडाका जनता समाजवादी पार्टीका कार्यकर्ताहरुको सहभागीता रहेको थियो ।
कार्यक्रममा विशिष्ट अतिथि केन्द्रिय सदस्य चुल्हाई राय यादव ,मधेश प्रदेश समिति सदस्य एवम् जिल्ला इन्चार्ज राम आशीष यादव , सहइन्चार्ज राजकुमार दास ,मधेश प्रदेश सदस्य ईश्वरी राय यादव , रौतहट सहसचिव शम्भु यादव लगायत सयौ पार्टीका कार्यकर्ताहरुको सहभागीता रहेको थियो ।
शनिबार २८ सदस्यहरुको चयन सकिएको र बाकी ३ जना सदस्य भने तदर्थ समितिको पहिलो बैठकबाट मनोनियन गरी ३१ सदस्यीय समिति बनाउने सो पार्टीका संघिय परिषद सदस्य दिनेश यादवले बताउनु भयो ।
पछिल्लो समय रौतहटमा जनता समाजवादी पार्टी नेपालको गतिविधिहरुमा निरन्तरता दिन नसकेकोमा अबका दिनहरुमा रौतहटमा पार्टीको गतिविधिहरुले तिब्रता पाउने जनाइएको छ ।
