रौतहट १७ माघ
रौतहटको बृन्दावनबाट एक युवक बेपत्ता भएका छन । गत शनिबार माघ १४ गतेबाट रौतहटको बृन्दावन नगरपालिकाको वडा नम्बर ३ बिश्रामपुरका बर्ष २१ का लक्ष्मी चौरसिया सोही क्षेत्रको जंगलमा दाउरा काटन साइकल र बन्चरो लिएर गएको तर हालसम्म बेपत्ता रहेको पारिवारिक स्रोतले जनाएको छ ।
शनिबार दाउरा काटन जंगल गएका चौरसिया अहिलेसम्म घर नफर्किएको पारिवारिक स्रोतले बताएको छ । घर नफर्किएका चौरसियाको परिबार आफन्तहरुले दिनरात खोजी गर्दा समेत भेटाउन नसकेको उनीहरुले बताएका छन । शनिबारबाट हराइ रहेका युवकको आइतबार खोजी गर्दा फेला नपरेपछि सोही दिन नै इलाका प्रहरी कार्यालय रमौलीमा आफुहरुले जानकारी गराएको वडा नम्बर २ का प्रत्यासी वडा अध्यक्ष बिनोद चौरसियाले जानकारी दिनु भयो ।
सोमबार प्रहरीसहित आफन्तहरुसंगै गाउलेहरु संयुक्त रुपमा जंगलमा खोजी गर्दा समेत युवकको अबस्थाबारे जानकारी प्राप्त हुन नसकेको प्रहरीले जनाएको छ । हराएको युवकको खोजी कार्यमा खासै चासो प्रहरीले नदेखाएको प्रत्यासी वडा अध्यक्ष बिनोद चौरसियाले आरोप लगाएका छन । प्रहरी प्रशासन , वन कर्मचारीहरुले हराइ रहेको युवकको खोजीमा सहयोग गरि दिन आफन्तहरुले आग्रह गरेका छन ।
हराइ रहेका चौरसियालाई देख्नु हुने जो कोहीले नजिकको प्रहरी कार्यालयमा खबर गरि दिनु हुन समेत अनुरोध गरेको छ ।
