रौतहट २८ माघ
रौतहटको बृन्दावनमा स्थानिय दुई पक्षबिच झडप भएको छ । बृन्दावन नगरपालिकास्थित वागमति नदीको रमौली र विश्रामपुर खोलाबाट नदीजन्य पदार्थ उत्खलन गरेका करको विषयलाई लिएर झडप भएको हो । सो झडपमा परी दुबै पक्षका चार जना घाइते भएको जनाइएको छ ।
झडप नियन्त्रणका लागी ठुलो संख्यामा सुरक्षाकर्मी परिचालन गरिएको थियो । नगर प्रमुख विनोद प्रसाद कुर्मीले क्रसरको नाममा मनपरि गरेको भन्दै स्थानियबासीले कर उठाउन बनाइएका झुपडी घर समेत आगजनी गरि दिएका छन ।
बृन्दावन नगरपालिकामा शनिबार बागमति खोलाबाट निकासी हुने वस्तुको कर उठाउने बिषयमा स्थानिय दुइ पक्षबिच झडप भएको र केही स्थानिय घाइते भएकाले सुरक्षाकर्मीहरु परिचालन गरिएको जिल्ला प्रहरी कार्यालय रौतहटका प्रमुख विर बहादुर बुढामगरले बताउनु भयो । केही समयपछि अबस्था सामान्य भएको प्रहरीले जनाएको छ ।
नगर प्रमुख कुर्मीका समर्थकहरु गौर चन्द्रनिगाहपुर सडकखण्डमा सडक बन्द गरेका थिए ।
