राैतहट १ फागुन
राैतहटका एक पत्रकार अलपत्र पुल यथासिघ्र निर्माण गर्न माग गर्दै साेमबारबाट अनसन बसेका छन । रौतहटकाे गौर -टिकुलिया लालबकैया खोलामा पप्पु कन्ट्रक्सनले अलपत्र परेको अधुरो लालबकैयाको पुललाई यथा शिघ्र निर्माणका लागि लालबकैया खोलाको बगरमा नेपाल पत्रकमर महासंघ राैतहटका सहसचिव संजय सहनी सोमबार ७ बेलुकीबाट आमरन अनसन बस्नु भएकाे छ ।
अनसन शुरु गर्नु पुर्व सहनीले अाफ्नाे अभियानलाई सकारात्मक सोचका साथ हेरि दिन र निस्वार्थ ढंगले सहयोग गर्न समेत अनुराेध समेत गर्नु भएकाे छ । उहाले आमरण अनसनबाटै मुलुकका सम्मानिय प्रधानमन्त्री ,पुर्व प्रधानमन्त्री ,मन्त्री ,सभामुख,पुर्व मन्त्री,मुख्य मन्त्री ,सभामुख ,संसद ,पुर्व सांसद ,स्थानीय तह प्रमुख एवं सरोकारवाला सम्पुर्णमा सम्बाेधन समेत गर्नु भयाे ।
याे अनसन अाफ्नाे मात्रै नभएर सम्पुर्ण गौर नपा र ईशनाथ बासी सहित सिङ्गो रौतहट जिल्लाकाे रहने उहाले बताउनु भएकाे छ । तराईको चिसोको बाबजुद हामीले भोग्दै आएका पीडा र दु:खलाई सुनाउन र सरकार तपाईं सम्म पुर्याउन तथा समस्याको सामाधान गर्न घर छाडेर सुनसान बकैया खोलाको बगरमा अन्न पानी त्यागेर आमरन अनसन बस्न बिवस भएको सहनीकाे भनाई रहेकाे छ । रौतहटको ईशनाथ र गौर नगरपालिका जोड्ने पुल सम्झौता गरेको १० बर्स पुग्न लाग्दा समेत निर्माण सम्पन्न नभई अलपत्र परेको छ ।
गौर र ईशनाथका जनताले पुल नहुँदा डुंगा दुर्घटनामा परि दर्जनौं आमा बुबा दिदी बहिनीले ज्यान समेत गुमिसकेकाे छ । सहनी नेपाल सरकार समक्ष सहनीले पुल अलपत्र हुनु कारण के होला हामीलाई बुझाई दिनु होला । यसको दोसि को त ?निर्माणका जिम्मा लिएर पुलमा गुणस्तर हिन सामाग्री प्रयोग गरि अलपत्र पारी भाग्ने पप्पु कन्स्ट्रक्सन कि सरकार ? यदि सरकार दोसि होइन भने लापरबाही गर्ने ठेक्का कम्पनी पप्पु कन्स्ट्रक्सनलाई सरकारबाट संरक्षण किन ? अनि जेलमा कोच्नुको सट्टा पप्पुका मालिक हरिनारायण रौनियारलाई सांसद पद दिएर ,दर्जनौं ठेक्का दिएर मान संम्मान किन ?देश भरको सबै ठेक्का रद्द गर्न किन आना कानी?? जस्ता प्रश्नहरु गरेका छन ।
साे पुलकाे पप्पु कन्ट्रकसनले २०७१ सालमा सम्झौता गर्दा ०७४ माघ २९ मा काम सम्पन्न गर्ने तय भएको थियो । तत्कालीन प्रधानमन्त्री सुशील कोइरालाले पुलको शिलान्यास गरेका थिए । तत्कालीन सडक डिभिजन कार्यालय हेटौंडाबाट २० करोड ७२ लाखको लागतमा गौर–औरैया जोड्ने लालबकैया नदीमा २२५ मिटर लम्बाइ र ७।२ मिटर चौडाइ भएको पक्की पुल बनाउन बोलपत्र आह्वान गरिएको थियो । लागत इस्टिमेटभन्दा २८ प्रतिशत कम १४ करोड ९३ लाखमा टेन्डर सकार गरेर ३ वर्षभित्र निर्माण काम पूरा गर्ने पप्पु कन्स्ट्रक्सनले जनाएको थियो ।
पुलको पश्चिमतिरको दुईवटा गडरको काम भए पनि गुणस्तरहीन भएको सडक डिभिजनको ठहर छ । पप्पुले गरेको जालसाजी बारे थाह हुँदा हुँदै उ सङ टेन्डर खोसेर मात्रै भयो त ? उसको कारणले पुल निर्माण कति बर्स धकेलियो ?पप्पु संग क्षतिपुर्ति लिएर पुल निर्माण गर्ने कि पुनः रास्ट्रीय ढुकुटी रितो गर्न अर्को टेन्डर आह्वान गर्ने ? छिमेकी मुलुकको लोनको चपेटामा परेको मुलुकले पप्पुले गरेको गल्तीमा लगानी गर्दा ठिक होला त??? सहनीले अाफ्नाे ज्यान गए केहि फरक नपर्ने अाफु नहरेपनि अाफ्नाे सन्तती र इशनाथ र गौर नगरपालिकाको आमाबुबा, दिदी बहिनी र दाजु भाईले पुलबाट ओहोरदोहोर गर्न पाउनु पर्ने माग गर्नु भएकाे छ । पुल निर्माणमा सरकारले कटिबद्ध नरहनेसम्म अाफ्नाे अनसनले निरन्तरता पाउने उहाकाे भनाई रहेकाे छ ।
