२०७९माध २९ गते
रौतहट जिल्लाको मध्य भागमा रहेको दुईवटा मावि द्धारा अनिश्चितकालका लागि पठनपाठन बन्द गर्ने निर्णय गरिएको छ । आज ती माध्यमिक विधालयहरुले अनिश्चितकालीन रुपमा पठन पाठन बन्द गर्ने निर्णय गरेका छन ।
नगरपालिकाले लामो समय देखि रोक्का गरेको बैंक खाता फुकुवा नभए पेनडाउन गर्ने चेतावनी दिएका हुन । खाता फुकुवा नभएपछि विधालयमा कार्यरत शिक्षक÷ कर्मचारीलाई तलब खुवाउन समस्या भएको भन्दै खाता फुकुवा गर्न माग गरिको छ ।
फुकुवा नगरे यही फागुन २ गते देखि पेनडाउन गर्ने शिक्षक कर्मचारीको बैठकले निर्णय गरेका हुन । खाता फुकुवाका लागि नगरप्रमुख कन्थमणी प्रसाद जयसवाललाई पटक पटक अनुरोध गरे पनि सुनुवाइ नभए पछि पेनडाउन गर्नु परेको माध्यमिक विधालय गरुडाका प्रधानाध्यापक प्रभु पटेलले बताए ।
आइतवार यस सम्बन्धमा नगर प्रमुख जयसवाललाइ ज्ञापनपत्र बुझाइएको श्री मावि श्रीपुरका प्रधानाध्यापक रामआधार पासवानले जानकारी दिएका हुन् । खाता फुकुवा नहुँदा भोग्दै आएको समस्यालाई लिएर शिक्षक÷ कर्मचारीको बैठकबाट वाध्य भई पेनडाउन गर्ने निर्णय गर्नु परेको उनले बताए ।
यसै बिच माध्यमिक विधालय गरुडामा कार्यरत शिक्षक÷ कर्मचारीको आईतबार बसेको बैठकले समेत पेनडाउन गर्ने निर्णय गरेको प्रधानाध्यापक प्रभु पटेलले बताएका छन । नगरपालिकालाई बझाईएको ज्ञापन पत्रको ब्यहोरा जिल्ला प्रशासन कार्यालय रौतहट लगायतका सुरक्षा निकायलाई पहलका लागि सम्बन्धित विधालयले बोधार्थ समेत गरेका छन् ।
