२०७९फागुन २ गते
रौतहटको कटहरियामा ट्राफिक नियमलाई उल्लघंन गरि मोटरसाईकल कुदाउने चालकहरुलाई जिल्ला ट्राफिक प्रहरी कार्यालय रौतहटले कार्यावाही गरेको छ ।
जिल्लाको कटहरियामा हेल्मेट नलाई ट्राफिक नियमलाई उल्लघंन गर्ने करिब ५० वटा मोटरसाईकल चालकलाई मंगलबार नियन्त्रणमा लिएको छ । जिल्ला ट्राफिक प्रहरी कार्यालय रौतहटका इन्सपेक्टर विमला कठायत र ईलाका प्रहरी कार्यालय कटहरियाका सई अशोक कुमार महतोको कमाण्डमा खटिएको टोलीले कार्यालय अगाडी हेल्मेट नगाउनेहरुलाई कार्यवाही गरेका छन् ।
ट्राफिक नियमको पाल्ना नगरि उल्लघंन गर्ने चालकहरुलाई नियन्त्रणमा लिएको जिल्ला ट्राफिक प्रहरी कार्यालय रौतहटका इन्सपेक्टर कठायतले बताइन ।
ईलाका प्रहरी कार्यालय कटहरियाका सई महतोले गत माघ २१ गते देखि हेल्मेट नलगाउनेहरुलाई नियन्त्रणमा लिदै आएका थिए ।
हेल्मेट लगाई मोटरसाईकल चलाउदा आफुलाई नै सुरक्षित हुने भएकोले अनिवार्य हेल्मेट लगाउन सबैलाइ ट्राफिक प्रहरीले आग्रह गरेको छ ।
