२०७९फागुन १८ गते
रौतहटको कटहरियाका एक वडामा बृद्ध बृद्धाहरुलाई वडा कार्यालय बाटनै सामाजीक सुरक्षा भत्ता वितरण गरीएको छ । कटहरिया वडा नम्बर ८ मा वडा अध्यक्ष समिश बिक्रम शाहले होली पर्वको अवसर पारेर सामाजिक सुरक्षा भत्ता वितरण गराउनु भएको हो । सरकारले प्रदान गदैं आएको समाजिक सुरक्षा भत्ता वडा कार्यालयमै पुगेर वितरण गरेको छ ।
वडा कार्यालयमा पुगेर यसरी भत्ता वितरण गर्न थालेकोपछि जेष्ठ नागरीकहरु खुशी भएकाछन् । बृद्ध बृद्धाहरुलाई बैंकमा गई दिनभर लाईनमा बस्नु पर्ने समस्या थियो । अब त्यो बाध्यता हटेको हो । बृद्धबृद्धाहरुको सहजताका लागी वडा कार्यालयमै पुगेर समाजिक सुरक्षा भत्ता वितरण गर्न थालिएको वडा अध्यक्ष शाहले जानकारी दिनु भएको छ ।
सो वडाको पिप्रा पोखरिया र बलुआ टोलका बृद्धबृद्धा,एकल महिला र अपांगहरूलाई सामाजिक सुरक्षा भत्ता वितरण गरीएको उनले जनाएका छन् । वडा नम्बर ८ मा जम्मा ७ सय ७५ जनालाइ ३८ लाख ३० हजार ९ सय ७९ रकम वितरण गरिएको वडा सचिव जयराम साहले जानकारी गराउनु भयो । सो वडाको जेष्ठ नागरीक,अपाङता भएका नागरीक , एकल महिला, विधुवा महिलाहरु र दलित जेष्ठ नागरिक लाई समाजिक सुरक्षा भत्ता वितरण गरीएको वडा सचिव साहले जानकारी गराउनु भयो ।
