२०७९फागुन १८ गते
रौतहटको कटहरिया नगरपालिकामा रहेको डिप्रोक्स लघुवित वितिय संस्था लिमिटेड शाखाले अत्यावश्यक सामाग्री तथा फर्निचर वितरण गरेको छ । आज एक कार्यक्रमका बिच इलाका प्रहरी कार्यालय कटहरियालाइ फनिर्चरका विभिन्न सामाग्रीहरु वितरण गरेको हो । सो लघुवित संस्थाले आफनो २२ औं स्थापना दिवसको उपलक्ष्यमा इप्रका कटहरिया लाइ उपलब्ध गराएको हो ।
बिहिवार एका कार्यक्रमका बिच इलाका प्रहरी कार्यालय गरुडाका डिएसपी छेदीलाल कामतीलाइ डिप्रोक्स लघुवितका मधेश प्रदेश प्रतिनिधी राजनारायण ठाकुरले हस्तान्तरण गर्नु भयो । इप्रका कटहरियामा उक्त सामाग्रीहरुको अभावलाइ मध्य नजर गर्दै डिप्रोक्स लघुवित शाखा कार्यालय कटहरियाले संस्थागत समाजिक उतरदायित्व अन्तर्गत कटहरिया नगरपालिका वडा नम्बर ५ का रहेको सो प्रहरी युनिट लाइ अत्यावश्यक सामाग्री तथा फर्निचर दिएको शाखा प्रबन्धक संजय लाल दासले जानकारी गराउनु भयो ।
राष्ट्रिय गान बाट सुरु गरिएको कार्यक्रममा स्वागत मन्तव्य शाखा प्रबन्धक दासले राख्नु भएको थियो । कार्यक्रम सञ्चालन डिप्रोक्स लघुवितका कटहरिया शाखाका लेखापाल मुकेश चौधरीले गर्नु भएको थियो । स्वागत मन्तव्य राख्दै शाखा प्रबन्धक दासले डिप्रोक्स लघुवित कटहरियाले शाखाको बारेमा जानकारी समेत गराउनु भएको थियो । साथै वहाँले इप्रका कटहरियामा फर्निचर अभावको मध्य नजर गर्दै सामाग्रीहरु वितरण गरेको बताए ।
सो अवसरमा ईप्रका कटहरियाका ईन्चार्ज अशोक कुमार महतो, वडा नम्बर ४ का वडा अध्यक्ष चन्दन कुशवाहा,वडा नम्बर ५ का वडा अध्यक्ष सर्फलाल गुप्ता,कटहरियाका मेयर प्रत्यासी नसरूदिन अन्सारी ,समाजसेवी दुर्गा रौनियार,कटहरिया ८ का वडा प्रत्यासी सुखल राय यादव ,लघुवित बैंकका कर्मचारी राकेश प्रसाद यादव,सुरेश कुमार यादव ,अरविन्द कुमार चौधरी,जुनैद साह,श्रीकान्त सिंह,पत्रकार लगायतका व्यक्तीहरुको उपस्थिती रहको थियो ।
