२०७९फागुन २७ गते
रौतहटको मध्य भागमा रहेको गरुडा नगरपालिकाले पौष्टीक आहार वितरण हस्तान्तण गर्नु भएको छ । आज एक कार्यक्रमका बिच नगर प्रमुख कन्थमनी जयसवालले सो सामाग्रीहरु वितरण गर्नु भएको हो । मेयर जयसवालले आफ्नो नगर भरिका गर्भवती महिलाहरुको लागि पौष्टीक आहार वितरण गर्नु भएको छ ।
गर्भवती महिलाहरुबाट जन्मिने बच्चाहरु लुलो, लङ्रगडो,कम तौल भएका, अपाङ्ग जस्ता बालबालिकाहरु नजन्मियोस भन्ने उदेश्यले ती सामाग्रीहरु वितरण गरिएको छ । गर्भवती महिलाहरुको स्वास्थ्यको ख्याल गरी नगर प्रमुख जयसवालले स्वास्थ्य शाखा प्रमुख योगेन्द्र प्रसाद साहलाई हस्तान्तरण गर्नु भएको छ ।
उक्त पौष्टिक आहार नगरका प्रत्येक वार्डको गर्भवती महिलाहरुलाइ स्वास्थ्य चौकि मार्फत वितरण गर्नका लागि उपलब्ध गराइएको नगर प्रमुख जयसवालले बताउनु भयो । नगर भरि रहेका ९ वटै स्वास्थ्य संस्था मार्फत उक्त सामाग्रीहरु वितरण गरिने मेयर जयसवालले बताए ।
हस्तान्तरण गरिएको पौष्टीक सामाग्रीहरुमा खिर २ किलो,खिचडी २ किलो,हलुवा २ किलो,दलिया २ किलो रहेका छन् । प्रत्येक महिलालाइ ८ किलोको दर वितरण गरिने गरुडा नगरपालिकाले जनाएको छ ।
प्रदेश सरकार बाट उपलब्ध गराइएको १२ हजार ४ सय किलोग्राम पौष्टीक सामानहरु शनिवार नगरको सबै स्वास्थ्य संस्थाहरुको जिम्मा लगाइएको योजना शाखा प्रमुख रामानन्द सहनीले जानकारी गराउनु भयो । साे अवसरमा वडा नम्बर १ का वडा अध्यक्ष शेख वहाब,वडा नम्बर ५ का वडा अध्यक्ष रामबिनाेद साह,विभिन्न वडाका वडा अध्यक्ष,कर्मचारीहरू लगायतका व्यक्तिहरूकाे उपस्थिति रहेको थियाे ।
