रौतहट चैत ०९ गते
रौतहट जिल्लाको गुजरा नगरपालिकामा किसानहरुको लागि तालिम सम्पन्न भएको छ । आज सो नगरपालिकाको वडा नम्बर ८ मा दुइ दिने तरकारी उत्पादन तथा व्यवस्थापन तालिम राखिएको थियो ।
ग्रामीण उधम तथा विप्रेषण आयोजना (समृद्धि ) जनकपुर कोरिडोर कार्यालय जनकपुरधामको आयोजनामा किसानहरु बिच तालिम आयोजन गरिएको थियो । गुजरा नगरपालिका वडा नम्बर ८ रहेको पिपरामा रहेको श्री लक्षमी महिला कृषक समुह र जानकी महिला कृषक समूहमा आबद्ध किसानहरुको सहभागिता रहेको थियो । श्री जानकी महिला कृषक समूहकी अध्यक्ष रंजिता चौधरीको अध्यक्षतामा कार्यक्रम गरिएको थियो ।
कार्यक्रमको मुख्य उदेश्य तरकारी उत्पादन तथा तरकारी उत्पादन पश्चात बजार व्यवस्थापन सम्बन्धमा छलफल गरिएको थियो । सो तालिममा नेपाल एग्रो लाइफ प्रा.लि.का प्रशिक्षकहरु राजन गइरे,प्रिति थापा,सुशमिता बोहराले प्रशिक्षण दिनु भएको थियो ।
तालिममा तरकारी बालीमा लाग्ने विभिन्न किराहरुको पहिचान गर्ने र उपचार गर्ने तरिका बारे जानकारी गराईएको थियो । बेमौसमी तरकारी बालीको लागि प्रविधि सम्बन्धि जानकारी गराइएको थियो । झोलमोल बनाउने बारे जानकारी गराइएको
समृद्धि आयोजनाका कर्मचारी अकिल अहमदले अंसारी जानकारी गराउनु भयो । सो अवसरमा ४० जना कृषकहरुको सहभागिता रहेको थियो । बुधवार र बिहिवार गरि दुइ दिन तालिम सञ्चालन गरिएको अहमदले अंसारी जानकारी गराए ।
