रौतहट २०७९,चैत १४ गते
जनमत पार्टीको जिल्ला इन्चार्ज पदभार ग्रहण कार्यक्रममा पार्टीकै कार्यकर्ता द्धारा बहिष्कार गरिएको खबर छ । जनमत पार्टी द्वारा नवनियुक्त जिल्ला इन्चार्ज बृजकिशोर यादवको पदभार ग्रहण कार्यक्रममा जनमत पार्टीको कार्याकर्ताहरुले बिरोध गरेका छन् ।
आज जिल्ला पार्टी कार्यालय गौरको इन्चार्ज यादवको स्वागत तथा पदभार ग्रहण कार्यक्रम राखिएको थियो ।
सो कार्यक्रमलाइ रौतहट क्षेत्र नम्बर २ क का बिधायक प्रत्याशी मोहम्द आलम उर्फ बाबू साहेब , रौतहट क्षेत्र ४ का पर्यवेक्षक रामबिश्वास पासवान ,इशनाथ नगरपालिकाका मेयर प्रत्यासी रामउदय साह ,पुनम देवि झा, पूर्व जिल्ला सदस्य रामेश्वर यादव, गढिमाई नगरपालिका ३ का वडा अध्यक्ष प्रत्याशी फजले हक अंन्सारी लगायत जनमत पार्टीको कार्याकर्ताद्वारा सो कार्यक्रम बहिष्कार गरिको छ ।
बिधायक प्रत्यासी बाबू साहेबले जनमत पार्टीका केन्द्रिय नेताले जिल्ला कार्यसमितिलाइ अफनो गोजीमा राख्न खोजेको अरोप लगाएका छन् । एक भिडियोमा उनीहरुले खुलेरै मधेश प्रदेश सरकारका कृषि मंन्त्री बसन्त कुशवाहाको स्वकीय सचीव बिरेन्द्र साहले कार्यशैली प्रति विरोध गरेका हुन् ।
उनी जातिय विभेद गर्न खोजेको आरोप लगाएका छन् । विभिन्न आग्रहपूर्वाग्रह राखि मञ्चमा आसन ग्रहण नगराएको उनीहरुले आरोप लगाएका छन् । आजको घटनाक्रम पछि जनमत पार्टीलाइ रौतहटमा ठूलो झटका लाग्ने संकेत देखिएको बिधायक प्रत्यासी बाबू साहेबको भनाइ छ ।
स्मरणियहोस् जनमत पार्टीले मधेशका ६ जिल्लाको इन्चार्ज तोकेको थियो । गत शुक्रबार अध्यक्ष सीके राउतले पर्सा, रौतहट, सर्लाही, महोत्तरी, धनुषा र सिरहा जिल्लाको इन्चार्ज तोकेका हुन् ।
ती जिल्लामा पार्टीको कामकारबाही अगाडि बढाउन र संगठन विस्तार गरी जिल्ला समिति गठन गर्न इन्चार्ज को जिम्मेवारी तोकिएको बताइएको थियो । त्यसै क्रममा रौतहट इन्चार्जको जिम्मेवारी बृजकिशोर यादवलाइ दिइएको थियो ।
