मुकेश कुमार साह,
रौतहट, २४ गते साउन
नेपाल किसान संघ रौतहटले स्थापना दिवसको अवसरमा चियापान कार्यक्रमको आयोजना गरेको छ ।नेपाली कांग्रेस निकट जनवर्गीय संगठन नेपाल किसान संघको ७२ औं स्थापना दिवसको अवसरमा बुधबार चन्द्रपुर नगरपालिका वडा नम्वर १ स्थित मंगलपुरमा चियापान कार्यक्रम सँगै शुभकामना आदानप्रदान कार्यक्रम गरेको छ ।
नेपाली कांग्रेसका केन्द्रीय सदस्य मदन कृष्ण श्रेष्ठको प्रमुख आथित्यतामा सम्पन्न उक्त कार्यक्रमको सभापतित्व किसान संघका जिल्ला अध्यक्ष कमल राउतले गरेका थिए । कार्यक्रममा बोल्दै प्रमुख अतिथि श्रेष्ठले नेपाल कृषि प्रधान मुलुक भएतापनि यहाँका अधिकांश किसानहरू सधैं पीडामा परेको बताएका छन् ।
रासायनिक मल,बीउ बिजन र सिंचाईको व्यवस्था नहुँदा किसान पिडित हुनु परेको बताए ।
कार्यक्रमका विशिष्ट अतिथि चन्द्रपुर नगरपालिकाका मेयर सञ्जय कुमार काफ्लेले नगरपालिकाले विभिन्न वडाहरुमा डिप बोरिङ सहितको सिंचाईको व्यवस्था मिलाएको र किसानलाई रासायनिक मल वितरणको कार्य लाई तिब्रता दिएको बताएका छन ।
बीउ बिजन उत्पादन र वितरण लाई सहज बनाउन एकद्वार प्रणालीबाट काम गर्न कृषि शाखालाई समेत निर्देशन दिएको मेयर काफ्लेले बताए ।
उक्त कार्यक्रममा नेपाली कांग्रेस जिल्ला सभापति एवम् प्रदेश सांसद जितेन्द्र यादव सुनिल, कांग्रेस नेता रबिन चन्द्र कोइराला, महाधिवेशन प्रतिनिधि मिथिलेश मिश्र, सूर्य बहादुर थापा , केदार थापा, वडा अध्यक्ष बलराम राउत लगायत दर्जनौ नेपाली कांग्रेसका विभिन्न तहका अगुवा नेता कार्यकर्ताको उपस्थिति रहेको थियो ।
