रौतहट २९ माघ
चन्द्रनिगाहपुरको गैडाटारस्थित एक सामुदायिक विद्यालयको बालविकास कोटा नै गुपछुप राखेको आरोप लागेको छ । चन्द्रपुर नगरपालिकाको वडा नम्बर ३ गैडाटारस्थित जनहित सामुदायिक आधारभुत विद्यालयका प्रधानाध्यापक विर बहादुर विकले गुपछुप मै राखेको छ ।
विकले गत महिना पुसमा आफ्नै श्रीमति नियुक्त गरेपछि स्थानियले सो विद्यालयलमा ताला लगाएका थिए । स्थानिय प्रहरी , वडा अध्यक्ष बोधनाथ देवकोटाको रोहवरमा तत्काल नै सो ताला खोलिएको थियो । त्यसपछि तत्काल नै विद्यालय ब्यवस्थापन समितिको बैठक बसि प्रधानाध्यापक विकको श्रीमति नियुक्ति बदर गरेको थियो । मिति २०७९ मंसिर २१ गते नै विद्यालय ब्यवस्थापन समितिले प्रअ विकको श्रीमतिलाई नियुक्ति दिने निर्णय गरेको थियो । सोही निर्णयको आधारमा चन्द्रपुर नगरपालिका शिक्षा शाखाले मिति २०७९ मंसिर २५ गतेको चलानी नम्बर ७३ ले अभिलेख समेत गुपछुपमा नै कायम गराएका थिए ।
स्थानियले विद्यालय ब्यबस्थापन समिति , प्रधानाध्यापक र शिक्षा शाखा प्रमुख दिपेन्द्र मण्डलको मिलोमतोमा गुपछुप वाल शिक्षक नियुक्ति गरेको थाहा पाएपछि चर्को बिरोध जनाउदै ताला बन्द गरेको थियो । सो नियुक्ति बदर गर्ने निर्णय गरेको एक महिना हुदासम्म बाल शिक्षक नियुक्तिमा कुनै प्रक्रिया शुरु नगर्दा पुन भित्रि रुपमा गुपछुप मै नियुक्ति गर्ने हो कि भन्ने स्थानियले आशांका गरेका छन । हाल बालशिक्षिका नहुदा विद्यालयमा पठनपाठनमा समेत असर पर्न थालेको छ ।
बाल कक्षा र १ कक्षाका विद्यार्थीहरुलाई एउटै कक्षा कोठामा अध्यापन गराउदा लेबल नमिल्नुका साथै अध्यापन गराउने विषयबस्तु समेत फरक पर्ने हुदा निकै असहज भएको एक शिक्षकले तराई पोष्टलाई बताउनु भयो ।
एक ताका सोही विद्यालय रौतहट जिल्लाको नमुना विद्यालयको रुपमा परिचित रहेको थियो तर हाल सो विद्यालयमा विद्यार्थीको अनुशासन ,पढाइको स्तर , विद्यार्थीहरुको क्रियाकलाप लगायत सम्पुर्ण पक्षहरु लथालिंग भएको सोही विद्यालयका विद्यार्थी तथा शिक्षकहरु स्वयमले सार्वजनिक स्थलहरुमा समेत गुनासो गर्दै आएका छन । बालशिक्षकको नियुक्तिमा पुन पहिलाको खेल गरेको भए स्थानियले कडा रुपमा बिरोध गर्ने स्थानियले बताएका छन ।
तत्काल विज्ञापन खुल्ला गरि बालशिक्षक नियुक्ति गर्नु पर्नेमा उनीहरुले माग गरेका छन ।
